विशेष पिछड़ी जनजातिय मन के आवास निर्माण के काम चलत हे जोर से

कबीरधाम, 08 फरवरी 2024। महल होवय या झोपड़ी अपन घर अपन होथे, हर मनखे के एक सपना होथे कि छांव बर ओखर एक खुद के घर होवय। खुद के घर होए ले कई फायदा हे, अपन घर मनखे ल वित्तीय सुरक्षा देथे। एक घर ल अपन घर कहे म जेन गौरव के अनुभूति होथे इही सपना ल सरकार ह साकार करत हे। समाज के आर्थिक रूप ले कमजोर तबका के भलाई बर प्रधानमंत्री आवास योजना संचालित करे जात हे। प्रधानमंत्री ग्रामीण आवास योजना के सहायता ले गांव वाले मन से खुद के घर बनाए जात हे।
गांव वाले मन ल घर बनवाए म सहायता बर कबीरधाम जिला के पंचायत अउ ग्रामीण विकास विभाग के सबो तकनीकी सहायक अउ ग्राम रोजगार सहायक सरलग अपन क्षेत्र म मुस्तैदी ले काम करत हें। प्रतिदिन लाभार्थि मन ले संपर्क करके निर्माण के बारीकी देखत गांव वाले मन ल प्रोत्साहित करे जात हे कि निर्माण काम जल्दी पूरा करव। जानबा हे कि कबीरधाम जिला के वनांचल क्षेत्र बर विशेष पिछड़ी जनजाति बैगा समुदाय के लाभार्थि मन बर प्रधानमंत्री जनमन योजना अंतर्गत घर के स्वीकृति प्रदान करे गए हे। अइसनहे शेष ग्रामीण क्षेत्र मन बर प्रधानमंत्री ग्रामीण आवास योजना ले घर के स्वीकृति दे गए हे। अभी हाल म ए दुनों मद ले निर्माण काम लगातार चलत हे। ए योजना मन ले राशि जारी होए म गांव वाले मन ल अपन घर बनाए बर आर्थिक मदद मिलत हे, जेखर से ऊंखर पक्का मकान के सपना पूरा होवत हे।