कबीरधाम, पुलिस ह झंडा विवाद मामला म ताबड़तोड़ कार्रवाई करत हे। झंडा विवाद म दुर्गेश देवांगन ल पिटईया दू अऊ युवक मन के गिरफ़्तारी होए हे। दुर्गेश संग मार-पीट होए के मामला म पहिली 16 फेर 11 अऊ आज 2 मनखे मन ल गिरफ्तार करे गए हे। अब तक दुर्गेश संग मार-पीट के मामला में 29 मनखे मन के गिरफ़्तारी हो गे हे। पुलिस सरलग आरोपी मन के पहिचान करके कारवाई करत हे।
मुख्यमंत्री भूपेश बघेल ह एखर ले पहिली कवर्धा म झंडा विवाद मामला के समीक्षा बैठक म कहे रहिन के कोनो धरम, जाति या समाज के मनखे कहूं दोषी हे, त ओला छोड़े नइ जाए। एखर बाद पुलिस ताबड़तोड़ गिरफ्तारी करत हे। एखर पहिली पुलिस ह 11 अऊ आरोपी मन के गिरफ्तारी करे रहिस।
पुलिस ह 11 अकटूबर के जेन आरोपी मन ल गिरफ्तार करे रहिस, वोमे सैयय्द महफुज अली (28 वर्ष), मोहम्मद रिजवान खान (23 वर्ष), फैजलखान खान (19 वर्ष), नासिर खान (19 वर्ष), सैफअली खान (20 वर्ष), सरफराज खान (19 वर्ष), साजिद अली (26 वर्ष), रियाज हिंगोरा (24 वर्ष), सलमान खान (22 वर्ष), अयाज खान (27 वर्ष) और शोहित खान (19 वर्ष) के नाम हे। एखर ले पहिली घलोक 16 आरोपी मन के गिरफ्तारी होए रहिस।
आरोपी मन के खिलाफ प्रकरण म धारा 25, 27 आर्स एक्ट जोड़े गए हे। जम्मो आरोपी मन ल न्यायालय के आगू पेश करके ज्युडिशियल रिमांड म जेल भेज दे गए हे। कवर्धा पुलिस ह आरोपी मन के खिलाफ धारा 147, 148, 294 295, 323, 506 बी, भादवि, अपराध क्रंमाक 802/21 धारा 294, 336, 147 भादवि, अपराध कं. 804/21 धारा 147, 148, 353, 332, 153-ए, 427, 295 भादवि 25, 27 आर्क्स एक्ट अऊ लोक संपत्ति नुकसानी के निवारण अधिनियम के धारा 3 कायम करे हे।
कवर्धा झंडा विवाद म दुर्गेश देवांगन संग मार-पीट करईया दू अऊ युवक मन के गिरफ़्तारी, अब तक ये मामला म 29 गिरफ़्तार
