कवर्धा पिकअप हादसा के मृतक मन के परिजन मन ल सरकारी नौकरी देहे के मांग

कवर्धा 24 मई 2024। जिला के बाहपाली म सड़क हादसा म 19 मनखे मन के मौत हो गए रहिस। घटना के चार दिन बाद अपन चार विधायक मन के संग कांग्रेस प्रदेश अध्यक्ष दीपक बैज आज सेमरहा गांव पहुंचिन। कांग्रेस नेता मन ह मृतक मन के परिजन ले मुलाकात करिन अऊ सरकार ले मृतक के परिजन ले 20- 20 लाख रुपए मुआवजा अऊ सरकारी नौकरी देहे के मांग करिन। दीपक बैज ह घटना ल लेके सरकार अऊ प्रशासन उपर लापरवाही के आरोप घलोक लगाइस। आप मन जानतेच होहू के  कि 20 मई के तेंदूपत्ता तोड़के वापस लहुटत गांव वाले मन के भीषण सड़क हादसा म मौत हो गए रहिस। ए भयंकर दुर्घटना म 19 मनखे मन के मौत हो गए रहिस। ए घटना म प्रदेश कांग्रेस कमेटी के अध्यक्ष दीपक बैज ह गहरा दुख जताए हे। पीसीसी चीफ बैज ह कहिन कि छत्तीसगढ़ सरकार ह मृतक मन ल 5-5 लाख रुपए देहे अऊ घायल मन 50 हजार रुपए देहे के ऐलान करे हे। अतीक ले कुछ नइ होवइया हे वो ह सबो मृतक के परिजन ल 20-20 लाख रुपिया अऊ सरकारी नौकरी देहे के मांग करे हे।