कवर्धा, प्रदेश के वन, परिवहन, गृह, पर्यावरण, विधि विधायी अऊ जलवायु बदलाव मंत्री अऊ कवर्धा विधायक श्री मोहम्मद अकबर ह आज बोड़ला विकासखंड के सुदूर वनांचल क्षेत्र के रेंगाखार जंगल म छत्तीसगढ़ के पारंपरिक संस्कृति ले जुड़े मातर कार्यक्रम म सामिल होइन। उमन राधा कृष्ण मंदिर म पूजा अर्चना करके सुख समृद्धि के कामना करके कार्यक्रम के शुरुआत करिन। केबिनेट मंत्री श्री मोहम्मद अकबर के कार्यक्रम म पहुंचे म यादव समाज कोति ले उंकर पारंपरिक राऊत नाचा ले भव्य स्वागत करे गीस। मंत्री श्री अकबर ह सबो ल बधाई अऊ शुभकामना दीन। ये बेरा म उमन यादव समाज के सामुदायिक भवन बर 10 लाख रुपिया अऊ मातर कार्यक्रम म भाग लेवईया 13 राउत नाचा दल ल 25-25 हजार देहे के घोषणा करिन। कार्यक्रम म ये बेरा म क्रेडा के सदस्य श्री कन्हैया अग्रवाल, श्री नीलकंठ चंद्रवंशी, मंडी अध्यक्ष नीलकंठ साहू, चोवाराम राम साहू, कंशाराम साहू संग जनप्रतिनिधि अउ आन अधिकारी उपस्थित रहिन।
केबिनेट मंत्री श्री अकबर ह कहिन कि मुख्यमंत्री श्री भूपेश बघेल के अगुवई म शासन कोति ले पारंपरिक संस्कृति ल सहेजे के काम करे जात हे। मातर कार्यक्रम पारंपरिक संस्कृति के हिस्सा ये जे ह समाज ह अभी घलोक जीवंत रखे हे। ये पारंपरिक संस्कृति ल सहेज के रखत एला आगू बढ़ाना हे। पारंपरिक संस्कृति के विकास बर घलोक शासन कोति ले सरलग काम करे जात हे। मंत्री श्री अकबर ह कहिन कि हमन सरकार बनाए के पहिली जनता ले जेन वादा करे रहेन। वो सबो वादा ल प्राथमिकता म रखत पूरा करत हन। मुख्यमंत्री श्री भूपेश बघेल के सियानी म छत्तीसगढ़ सरकार किसान मन के अल्पकालीन ऋण माफ करिस। जिला के 75 हजार 450 किसान मन के 455 करोड़ 65 लाख रूपिया ऋण माफी स्वीकृत करे गीस। प्रदेश के 65 लाख परिवार बर राशन कार्ड बना के दीस। एकरे संग उमन सरकार के आन कल्याणकारी योजना अऊ उपलब्धी मन के बारे म घलोक बताईन।
कवर्धा : छत्तीसगढ़ सरकार पारंपरिक संस्कृति ल सहेजे के काम करत हे – मंत्री श्री मोहम्मद अकबर
