- मंत्री ह झुग्गी बस्ती मन म जाके बांटिन राशन अउ सब्जी के पैकेट
- दानदाता मन ले मिलत सहयोग अऊ प्रशासनिक व्यवस्था ल सहराईन
- कोरोना संक्रमण ले बचाव बर सबला एहतियात बरते दीन समझाइश
धमतरी , 11 अप्रैल 2020। राज्य के वाणिज्य अउ उद्योग, वाणिज्यिक कर (आबकारी) मंत्री अऊ धमतरी के प्रभारी मंत्री श्री कवासी लखमा ह काली जिला के उदुपहा दउरा म पहुंच के कोरोना संक्रमण ले बचाव, उपाय अऊ सुरक्षा बर करे गे व्यवस्था के मुआयना करिन।
मंत्री श्री लखमा ह धमतरी नगर के कई क्षेत्र मन के दौरा करिन, संगेच गरीब परिवार अऊ जरूरतमंद नागरिक मन ल राशन अउ सब्जी के पैकेट निःशुल्क बांटिन। ये बेरा म उमन किसान बाजार, गुजराती कॉलोनी, स्टेशनपारा म जाके राशन अउ सब्जी वाला पैकेट बांटिंन अऊ लॉकडाउन के बेरा म मनखे मन ले घर म ही रहे अउ शासन के निर्देश मनके पालन करे के अपील घलोक करिन।
