जगदलपुर 09 मार्च 2021। उद्योग मंत्री श्री कवासी लखमा ह कहिन कि मां दंतेश्वरी के कृपा ले बस्तर ल ऐतिहासिक, सांस्कृतिक अऊ पर्यटन के क्षेत्र म पहिचान देवाए म चित्रकोट के विशेष महत्व हे। चित्रकोट जलप्रपात अपन सुन्दरता अऊ विशिष्टता के सेती देश अऊ दुनिया म प्रसिद्ध हे। उमन चित्रकोट महोत्सव ल विशेष पहिचान देवाए अऊ ये महोत्सव के ख्याति अऊ सांस्कृतिक भव्यता म हर साल बढ़ोतरी बर जिला प्रशासन के उदीम मन के घलोक सराहना करिन। मंत्री श्री लखमा ह कहिन कि महोत्सव ले बस्तर के संस्कृति के प्रचार-प्रसार होही। उमन कहिन कि बस्तर के संस्कृति के संरक्षण बर छत्तीसगढ़ के सरकार हरसंभव प्रयास करत हे। बस्तरिया स्वभाव ले उत्सवप्रेमी होथें। साल के आधा समय खेती-बाड़ी जइसे जीविकोपार्जन के काम के संग आधा समय मेला-मंडई म व्यतीत करथें। बस्तर के मनखे मन के इही रहन-सहन ओ मन ल जादा खुशहाल बनाथे। उमन कहिन कि बस्तर के मनखे मन के जीवन ल जादा खुशहाल बनाए बर छत्तीसगढ़ के सरकार मनखे मन के आय ल बढ़ाए बर घलोक सरलग काम करत हे। इही दिशा म गांव मन म स्थापित गोठान अब आजीविकामूलक काम मन के केन्द्र बनत हे। वनवासी मन के आय बढ़ाए बर तेंदूपत्ता के दर 2500 रुपए ले बढ़ाके चार हजार रुपए प्रति मानक बोरा करे गए हे। हाट-बाजार क्लीनिक योजना ले गांव-गांव म स्वास्थ्य सुविधा पहुंचाए जात हे। एकर लाभ अबुझमाड़ के जंगल मन ले लेके बासागुड़ा, जगरगुण्डा जइसे क्षेत्र के गांव वाले मन ल घलोक मिले हे। उमन कहिन कि छत्तीसगढ़ के सरकार बस्तर के हर समस्या के समाधान के दिशा म काम करत हे। इही दिशा म इंद्रावती नदी के संरक्षण अऊ विकास बर घलोक काम करे जात हे।
बस्तर जिला के ऐतिहासिक जलप्रपात के तीर 9 मार्च ले 11 मार्च तक आयोजित तीन दिवसीय चित्रकोट महोत्सव के शुभारंभ
उद्योग मंत्री श्री कवासी लखमा ह करिस। हेलीपेड मैदान म आयोजित समारोह म मां दंतेश्वरी के छायाचित्र के आगू दीया
प्रज्जवलन के संगेच तीन दिवसीय चित्रकोट महोत्सव के शुभारंभ होइस।
चित्रकोट महोत्सव 2021 के भव्य अऊ रंगारंग शुभारंभ : उद्योग अऊ आबकारी मंत्री श्री कवासी लखमा ह करिस शुभारंभ
