पीएचसी म अडेंगा अऊ एसएचसी म खलारी ल मिलीस पहिली नम्बर
कोण्डागांव, 01 अगस्त 2022 के राष्ट्रीय स्वास्थ्य मिशन रायपुर ह साल 2021-22 बर ‘कायाकल्प- स्वच्छ अस्पताल योजना‘ परिणाम के घोषणा करिस। जेखर संग विजेता, उप विजेता अऊ सांत्वना पुरस्कार प्राप्त करइया 14 जिला अस्पताल, 32 सामुदायिक अस्पताल, 178 प्राथमिक स्वास्थ्य केन्द्र (पीएचसी), 30 शहरी प्राथमिक स्वास्थ्य केन्द्र अऊ 224 उप स्वास्थ्य केन्द्र मन के सूची घलोक जारी करे गीस। जेमां कोण्डागांव के 04 पीएचसी अऊ 09 एसएचसी ल घलोक सामिल हे। जेमां कोण्डागांव के अडेंगा प्राथमिक स्वास्थ्य केन्द्र अऊ खलारी के उप स्वास्थ्य केन्द्र ल पहिली स्थान प्रदान करे गए हे। इमन ल उपहार राशि के रूप म अडेंगा ल 02 लाख अऊ खलारी ल 01 लाख रूपिया देहे जाही। एखर ले अकतहा उप स्वास्थ्य केन्द्र मन म बिजौली ल दूसर अऊ मड़ानार ल तीसर स्थान मिले हे। जे मन ल 50 अऊ 35 हजार उपहार राशि देहे जाही। उप स्वास्थ्य केन्द्र मन म कुधूर, बाखरा, हासेल, देवखरगांव, करियाकाटा ल सांत्वना पुरस्कार देवत 25 हजार रूपिया के उपहार राशि प्रदान करे गए हे।
