कायाकल्प कार्यक्रम के कोती ले जिला के हेल्थ एंड वेलनेस सेंटर, उप स्वास्थ्य केंद्र खजुरी ल मिलिस प्रदेश भर म पहिली इस्थान

बलरामपुर, नेहा राठौर के खबर/ कायाकल्प योजना वर्ष 2022-23 के अनतरगत 13 अपरेल के मुख्यमंत्री श्री भूपेश बघेल अउ स्वास्थ्य मंत्री श्री टी. एस. सिंहदेव के उपस्थिति म पुरस्कार समारोह रईपुर म आयोजित करे गईस। ए कारिकरम म हेल्थ एंड वैलनेस सेंटर, उप स्वास्थ्य केंद्र खजूरी ल प्रदेश भर म पहिली इस्थान मिले हे।
मुख्य चिकित्सा अउ स्वास्थ्य अधिकारी बलरामपुर डॉ. बसंत सिंह ह बतईस के कायाकल्प योजना के डहर ले स्वास्थ्य संस्था मन ल बढ़िया सुघ्घर बनाए के परयास करे जाथ हे। कायाकल्प योजना म स्वास्थ्य विभाग अउ सहयोगी संस्था के उच्च अधिकारि मन कती ले स्वास्थ्य संस्था मन मे देहे जाथ सुबिधा के अधार म अंक दिए जाथे। जिला के हेल्थ एंड वेलनेस सेंटर उप स्वास्थ्य केंद्र खजुरी ल पूरा छत्तीसगढ़ म पहिली इस्थान मिले म मुख्यमंत्री अउ स्वास्थ्य मंत्री कोती ले कायाकल्प अवार्ड ले सम्मानित करे गईस।
ए अवसर म डॉ. सिंह ह बतइस के कलेक्टर श्री विजय दयाराम के. के अगुआई म जिला म स्वास्थ्य के छेत्र म अबड़ बढ़िया बुता होवत हे। ओ ह उप स्वास्थ्य केंद्र इस्तर म पूरा छत्तीसगढ़ म पहिली इस्थान आए म जम्मो झन ल बधई अउ सुभकामनाएं दिस।
डॉ. सिंह ह बतइन के जिला के जम्मो स्वास्थ्य केन्द्र ल जतका काम म आथे ओतका सेवा अउ सुविधा ले सजाये जाथ हे , स्वास्थ्य विभाग के ए परयास हे के मरीज मन ल तुरुत के तुरूत जतका जरूरी सुबिधा हे तेला दिए जा सके।
ओ ह कहिन मे जिला म स्वास्थ्य सेवा म बढ़ोतरी अउ जरूरी सुबिधा रहे के सेती मरीज मन के बिसवास ह स्वास्थ्य विभाग म बाढ़त हे। एमा कायाकल्प कारिकरम के अबड़ बड़े भूमिका हावय।