सुरदा के किसान धनेंद्र वैष्णव ह शासन के प्रति जताइन आभार
मुंगेली, किसान मन ला खेती-किसानी बर समय म लोन अउ खातू-बीजहा उपलब्ध कराना शासन के पहली प्राथमिकता हे। समय म वित्तीय सहायता अउ कृषि सामान मन के उपलब्धता ले मुंगेली जिला के किसान मन के खेती के प्रति बिस्वास अउ उत्साह बाढ़े हे। जिला के गाँव सुरदा के किसान धनेंद्र वैष्णव ह बताइन के ओमन 03 एकड़ 31 डिसमिल जमीन म धान के खेती करत हवयं। ए बछर ओमन ला खातू पाए बर कोनो भी किसम के परेशानी के सामना नई करे बर परिस। समय म खातू उपलब्ध होए ले धान फसल के बोवाई अउ आन खेती-किसानी के काम सुचारु रूप ले पूरा होइस, जेकर से ओमन संतुष्ट हवंय। खेती बर ओमन ला किसान क्रेडिट कार्ड (केसीसी) के माध्यम ले 60 हजार रुपिया के लोन समय म मिलिस। ए रकम ले ओमन खेती के काम मन के तैयारी ला आसानी ले करिन अउ जरूरी कृषि सामान के व्यवस्था कर सकिन। किसान धनेंद्र वैष्णव ह कहिन, “केसीसी के माध्यम ले समय म लोन मिले ले अउ बिना कोनो परेशानी के खातू उपलब्ध होए ले खेती करना आसान होगे हे।” एकर बर ओमन ह शासन के व्यवस्था बर आभार प्रगट करत धन्यवाद दीन।
