रइपुर, 29 जून 2022
मुख्यमंत्री दाऊ भूपेश बघेल भेंट-मुलाकात अभियान के तहत आज मनेंद्रगढ़ विधानसभा के ग्राम कटकोना में मल्टीयूटिलिटी सेंटर कटकोना म 14 महिला स्व-सहायता समूह के 140 झिन सदस्य मन ले मुलाकात करीन अउ उंकर आय बढ़ाए के बूता-काम ल संहराइस। मुख्यमंत्री ह माइलोगन मन के उछाह ल बढ़ावत मल्टीयूटिलिटी सेंटर के प्रबंधक पंजी म टिप्पणी लिखीन कि महिला सशक्तिकरण के तहत स्वावलंबन कोति माइलोगन मन के येह अबड़ पोठ कदम हरे। जानबा होवय कि समूह के माइलोगन मन आलू चिप्स, बेकरी, दोना पत्तल, मसाला, चप्पल, एलईडी बल्ब तियार करत हावय। अइसने दाल प्रसंस्करण, मिनी राईस मिल, लेयर पोल्ट्री फार्म, मुर्गी पालन, बकरी पालन, वर्मी खाद निर्माण, सामुदायिक बाड़ी जइसन अलग-अलग बूता ल सम्पादित करत हावय।
माइलोगन मन निरीक्षण के बेरा मुख्यमंत्री दाऊ बघेल ल बताइन कि आलू चिप्स निर्माण ले ये यूनिट म रोजीना लगभग 8 हजार आलू चिप्स पैकेट बनाए जाथे। इही बेरा बेकरी उत्पादन समूह कोति ले मुख्यमंत्री बर बनाए केक तको काटिर्न। मुख्यमंत्री एलईडी बल्ब इकाई के समूह तको गोठबात करीस। समूह के माइलोगन मन बताइन कि महज 10 दिन के प्रशिक्षण लेके हमन एलईडी बल्ब तियार करे बर सीख गे हवन। मुख्यमंत्री ल अपन हाथ के बनाए बलब जलाके तको देखाइन।
