धमतरी के केकराखोली म समेकित खेती ले बदलिस ग्रामीण अर्थव्यवस्था, फलोद्यान अउ डबरी निर्माण ले मिलिस नवा रद्दा

CHHATTISGARHI NEWS: धमतरी। जिला के मगरलोड विकासखण्ड के केकराखोली गांव म ‘सेवा संकल्प अभियान’ के तहत शासकीय योजना मन के समन्वय ले कृषि के क्षेत्र म बड़का बदलाव आए हे। वीबी-जी रामजी अउ उद्यानिकी विभाग के संघरा अभिसरण ले संचालित समेकित फल उद्यान योजना ले गांव के 25 किसान मन के जिनगी बदल गए हे, अउ अब लगभग 35 एकड़ भूमि फलोद्यान अउ बहुफसली कृषि के केंद्र बन चुके हे।
किसान मन पारंपरिक खेती के बजाय आमा अउ कटहल जइसे लंबा बेरा वाले पौधा के संग हदइी, उरीद, करेला, बरबट्टी अउ औषधीय पौधा मन के अंतरवर्ती खेती करत हें, जेकर से उमन ल नियमित आय मिलत हे। फसल सुरक्षा खातिर फेंसिंग, बोरवेल अउ ग्रीन शेड हाउस जइसे सुविधा उपलब्ध कराए गए हे। भू-जल स्तर बढ़ाए अउ सिंचाई खातिर 07 आजीविका डबरी के निर्माण घलव कराए गए हे, जिहां मछली पालन ले किसान मन ला उपरहा आय मिलत हे।
ए एकीकृत कृषि मॉडल के जरिये अल्पकालिक आय, दीर्घकालिक फल उत्पादन अउ मत्स्य पालन ला एक संग जोड़के किसान मन आत्मनिर्भरता के मिसाल पेश करत हें। छत्तीसगढ़ म ए तरह के शासकीय योजना अउ किसान मन के मेहनत ग्रामीण समृद्धि के मजबूत नींव रखत हे।