नारायणपुर, 9 जनवरी 2021। मुख्यमंत्री श्री भूपेश बघेल ह आज नारायणपुर के गरांजी स्थित केंद्रीय विद्यालय के निरीक्षण करिन। उमन ये बेरा म विद्यालय परिसर म बस्तर सांसद अऊ मंत्रीगण मन के संग वृक्षारोपण घलोक करिन। मुख्यमंत्री श्री बघेल ह केन्द्रीय विद्यालय म संचालित गतिविधि मन के सराहना करत उहां के विजिटर्स बुक म विद्यालय के शिक्षक अऊ छात्र-छात्रा मन ल प्रोत्साहित करइया पक्ति घलोक लिखिन। ये बेरा म मुख्यमंत्री के स्वागत विद्यालय के पढ़ईया लईका मन कोति ले स्वागत गीत ले करे गीस। कार्यक्रम के समय बस्तर सांसद श्री दीपक बैज, राज्य के वाणिज्य कर अऊ आबकारी मंत्री श्री कवासी लखमा, लोक स्वास्थ्य यांत्रिकी अऊ ग्रामोद्योग मंत्री अऊ जिला के प्रभारी मंत्री गुरू रूद्रकुमार, हस्तशिल्प विकास बोर्ड के अध्यक्ष श्री चन्दन कश्यप, अंतागढ़ विधायक श्री अनूप नाग, संग डीआईजी श्री आनंद छाबड़ा, कलेक्टर श्री धर्मेश कुमार साहू, मुख्य कार्यपालन अधिकारी जिला पंचायत श्री राहुल देव, पुलिस अधीक्षक श्री मोहित गर्ग, केन्द्रीय विद्यालय के प्राचार्य श्री आर.पी.सिंह संग विद्यालय के शिक्षक-शिक्षिकाएं अऊ स्कूली लइका उपस्थित रहिन।
मुख्यमंत्री श्री बघेल ह केंद्रीय विद्यालय गरांजी के करिन अवलोकन
