खाद-बीज के उठाव म आईस तेजी : खेती किसानी म जुटिन किसान

बालोद, बालोद जिला म समय म खाद-बीज के भण्डारण अऊ वितरण होए ले किसान खेती-किसानी के काम म जुट गे हें। ओ मन सहकारी समिति मन ले खरीफ फसल मन बर खाद अउ बीज के उठाव तेजी ले करत हें। डौण्डी विकासखण्ड के भैंसबोड़ गांव म धान बोआई करके खेत ले लहुटत किसान चमार सिंह अऊ राम्हू राम ह बताइस कि उमन खरीफ फसल बर रासायनिक खाद यूरिया, डी.ए.पी. अऊ पोटाश सहकारी समिति ले उठाए हें। अइसनहे खल्लारी गांव के किसान राम प्रसाद, जयराम अऊ धन्नूराम ह बताइस कि ओ ल आज सहकारी समिति खल्लारी ले रासायनिक खाद, यूरिया, पोटाश अऊ डी.ए.पी. मिलीस हे। एकर ओ ह उचित मात्रा म उपयोग करके जादा फसल के उत्पादन कर सकही।

जिला सहकारी केन्द्रीय बैंक के नोडल अधिकारी ह बताइस कि सहकारी समिति मन म खरीफ सीजन बर अब तक रासायनिक खाद यूरिया के भण्डारण 14,858 टन करे गए हे, जेमां ले 11,780 टन किसान मन ल बांटे गए हे अऊ 3074 टन बांचे हे। सुपर फास्फेट के भण्डारण 3,432 टन करे गीस, जेमां 2558 टन किसान मन ल बांटे गीस अऊ 874 टन बांचें हे। डी.ए.पी. के भण्डारण 11,326 टन करे गीस, जेमां ले 8607 टन किसान मन ल बांटे गीस अऊ 2719 टन बांचे हे। एनपीके के भण्डारण 1258 टन करे गीस, जेमां ले 867 टन किसान मन ल बांटे गीस हे अऊ 391 टन बांचे हे। अइसनहे खरीफ बर धान बीज के भण्डारण 25,610 कुंटल करे गीस, जेमां ले 20,189 क्विंटल किसान मन ल बांटे गीस अऊ 5,420 क्विंटल धान बीज बांचे हे। राहेर बीज के भण्डारण 37.50 क्विंटल करे गीस, जेमां ले 11.58 क्विंटल किसान मन ल बांटे गीस अऊ 25.92 क्विंटल बांचे हे।