जांजगीर-चांपा, छत्तीसगढ़ के जांजगीर-चांपा जिला कृषि प्रधान जिला हे। इहां शत-प्रतिशत क्षेत्र मन म सिंचाई के सुविधा हे। खेती-किसानी बर उचित समय म खाद-बीज के उपलब्धता किसान मन के आत्म निर्भरता ल दर्शाथे। कहुँ किसान मन ल उचित समय म खाद-बीज उपलब्ध नइ होही त ओखर उत्पादन, लागत के अनुपात म कम होही अऊ ओ मन आर्थिक रूप ले कमजोर हो जाही।
फेर मुख्यमंत्री श्री भूपेश बघेल ह जिला के किसान मन बर उचित समय म खाद-बीज के भण्डारण अऊ वितरण कराके ऊंखर चेहरा म नवा मुस्कान ला दीए हें।
खरीफ फसल बर किसान मन कोति ले खेती-किसानी के काम चालू कर दे गए हे। येकर बर जिला म लक्ष्य 51 हजार 850 टन खाद के विरूद्ध अब तक 18 हजार 262 टन खाद अऊ 82 हजार 419 क्विंटल बीज के विरूद्ध 72 हजार 453 क्विंटल उन्नत प्रजाति के बीज के भण्डारण करे गए हे। एमां ले अब तक किसान मन ल 8 हजार 492 टन खाद अऊ 47 हजार 891 क्विंटल उन्नत प्रजाति के बीज के वितरण करे गए हे। खाद अऊ बीज के वितरण क्रम निरंतर जारी हे। किसान अब उचित समय म खाद-बीज पाके खेती-किसानी के काम कर सकही अउ भरपूर उत्पादन करके अऊ जादा खुशहाल होही।