रायपुर, 22 फरवरी 2024। छत्तीसगढ़ म सार्वजनिक वितरण प्रणाली के अंतर्गत अभी हाल म प्रचलित सबो 77 लाख राशनकार्ड के नवीनीकरण के काम 25 जनवरी ले जारी हे। 22 फरवरी के स्थिति म 65 लाख 7 हजार 442 राशन कार्डधारी मन ह नवीनीकरण बर आवेदन प्रस्तुत करे हें। राशनकार्ड के नवीनीकरण बर खाद्य विभाग के ऑनलाइन सुविधा के मनखे लाभ उठावत हें अऊ खुद अपन मोबाइल ले खाद्य विभाग के एप के जरिये राशनकार्ड के नवीनीकरण बर आवेदन प्रस्तुत करत हे।
सार्वजनिक वितरण प्रणाली के अंतर्गत पात्र हितग्राही मन के अन्योदय, प्राथमिकता, निराश्रित अउ निशक्तजन एपीएल राशनकार्ड के नवीनीकरण करे जात हे। राशनकार्ड धारी मन बर खाद्य विभाग ह एप तैयार करे हे। एप के माध्यम ले हितग्राही ऑनलाईन आवेदन प्रस्तुत कर सकत हें। अइसन हितग्राही जिंकर पास एंड्राएड मोबाईल के सुविधा नइ हे या नेटवर्क के समस्या हे त ओ मन उचित मूल्य के दुकान म घलोक जाके ऑनलाईन आवेदन कर सकत हें।
जानबा हे कि राशनकार्ड नवीनीकरण के काम 25 फरवरी 2024 तक करे जाही। विभाग ले मिले जानकारी के मुताबिक राशनकार्ड नवीनीकरण बर खाद्य विभाग के संग खाद्य नागरिक आपूर्ति अउ उपभोक्ता संरक्षण विभाग के नवा मोबाईल एप्प तैयार करे गए हे, एला प्ले स्टोर म जाके डाउनलोड करे जा सकत हे। हितग्राही खाद्य विभाग के वेबसाइट http://khadya.cg.nic.in ले घलो डाउनलोड कर सकत हें।
65 लाख 7 हजार राशन कार्डधारी मन ह करिन नवीनीकरण बर ऑनलाइन आवेदन
