रायपुर, 12 फरवरी 2024। छत्तीसगढ़ म सार्वजनिक वितरण प्रणाली के अंतर्गत अभी हाल म प्रचलित सबो 77 लाख राशनकार्ड के नवीनीकरण के काम 25 जनवरी ले जारी हे। 12 फरवरी के स्थिति म 54 लाख 03 हजार 620 राशन कार्डधारी मन ह नवीनीकरण बर आवेदन प्रस्तुत करे हें। राशनकार्ड के नवीनीकरण बर खाद्य विभाग के ऑनलाइन सुविधा के मनखे भरपूर लाभ उठावत हें अऊ खुद अपन मोबाइल ले खाद्य विभाग के एप के जरिये राशनकार्ड के नवीनीकरण बर आवेदन प्रस्तुत करत हें।
जानबा हे कि राशनकार्ड नवीनीकरण 25 जनवरी ले 15 फरवरी 2024 तक करे जात हे। राशनकार्ड नवीनीकरण बर खाद्य विभाग के संग खाद्य नागरिक आपूर्ति अउ उपभोक्ता संरक्षण विभाग के नवा मोबाईल एप्प तैयार करे गए हे, एला प्ले स्टोर म जाके डाउनलोड करे जा सकत हे। हितग्राही मन खाद्य विभाग के वेबसाइट http://khadya.cg.nic.in ले डाउनलोड कर सकत हें। राशनकार्डधारी अपन मोबाईल म ए एप्प के संग नवीनीकरण बर इलेक्ट्रानिक आवेदन ऑनलाईन प्रस्तुत कर सकत हें। अइसन हितग्राही जिंकर पास एन्ड्राईड मोबाईल नइ हे या जहां मोबाईल कनेक्टिविटी नइ हे उहां उचित मूल्य दुकान स्तर म ऑनलाईन प्रक्रिया के संग राशनकार्ड के नवीनीकरण बर इलेक्ट्रानिक आवेदन प्रस्तुत करे के सुविधा घलोक देहे जात हे।
54 लाख ले जादा राशन कार्डधारी मन ह करिन नवीनीकरण बर ऑनलाईन आवेदन
