- प्रवासी श्रमिक अऊ जरूरतमंद मन ल निःशुल्क भोजन अऊ सूखा राशन के प्रबंध
- राज्य के 57 लाख परिवार ल तीन महिना के निःशुल्क चांउर
- छत्तीसगढ़ के 97 प्रतिशत जनसंख्या ल खाद्यान्न सुरक्षा
रायपुर, 15 फरवरी 2021। कोरोना संक्रमण वायरस ले सुरक्षा बर लॉकडाउन के बेरा म मुख्यमंत्री श्री भूपेश बघेल के सियानी म राज्य सरकार कोति ले छत्तीसगढ़ म सबो ल खाद्यान्न सुरक्षा उपलब्ध कराए म सफलता हासिल करे हे। ये बेरा म प्रवासी श्रमिक अऊ आन मनखे मन ल हरसंभव सुविधा मुहैया कराए गए हे। जरूरतमंद मन ल चरणपादुका संग सामुदायिक भोजनालय म भोजन अऊ सूखा राशन के व्यवस्था करे गए हे। लॉकडाउन के बेरा म मुख्यमंत्री श्री भूपेश बघेल खुदे प्रदेश म संचालित क्वारेंटाइन शिविर म, स्वास्थ्य, खाद्यान्न अऊ आवागमन के संज्ञान लेत रहे हें।
छत्तीसगढ़ म कोरोना संक्रमण अऊ लॉकडाउन के बेरा म राज्य के नागरिक मन ल खाद्य सुरक्षा ठउका करे के संगेच प्रवासी श्रमिक, निराश्रित अउ जरूरतमंद मनखे मन ल भरपूर भोजन अउ सूखा राशन उपलब्ध कराए के हर संभव उपाय करे गए हे। लॉकडाउन के बेरा म घलोक छूटे पात्र परिवार मन के नवा राशनकार्ड जारी करे गीस। राज्य म 22 मार्च ले जनवरी 2021 तक 1 लाख 92 हजार 338 नवा राशनकार्ड बनाए गीस अऊ 2 लाख 33 हजार 415 नवा सदस्य मन के नाम घलोक जोड़े गीस, ये प्रक्रिया अभी घलोक राज्य म जारी हे। राज्य शासन कोति ले सार्वभौम पीडीएस लागू होए के बाद वर्तमान म प्रदेश के 97 प्रतिशत जनसंख्या ल खाद्यान्न देहे जात हे।
