खैरागढ़, जिला के प्रगतिशील किसान नेतराम साहू आजकल पूरा क्षेत्र म चर्चा के विसय बने हे। वो ह अपन मेहनत अऊ तकनीक के सही उपयोग ले खेती म मिसाल पेश करे हे। नेतराम ह पांडादाह मंडी म 77.60 कुंटल धान बेचिस अऊ सरकार कोति ले देहे जात ₹3100 प्रति कुंटल के समर्थन मूल्य के भरपूर लाभ उठाइस। ए शानदार कीमत ले वोखर परिवार म खुशी के माहौल हे।
नेतराम बतात हे के वोखर सफलता के राज समय म बुवाई अऊ खेत के सही देखभाल हे। फेर ए साल वोखर धान बिक्री के रद्दा ल ‘तुंहर टोकन’ मोबाइल ऐप ह अड़बड़ आसान बना दीस। ओ ल घर बइठे ऐप ले टोकन मिल गे, जेखर से ओ ल मंडी म घंटों अगोरा नइ करना परिस अऊ भीड़ ले घलोक मुक्ति मिलीस। नेतराम ह मुख्यमंत्री के आभार जतात कहिस के बने दाम अऊ ए डिजिटल व्यवस्था ह किसान मन के आत्मविश्वास ल बढ़ा देहे हे।
बस एक किलिक अऊ ₹3100 के भाव! ए ऐप ह खतम करिस किसान मन के टेंशन, नेतराम बनिस मिसाल
