कोरिया, 23 सितंबर 2020। जिला म बैकुंठपुर स्थित खांडा बांधा के फूट जाये ले आज इहां आस पास के गांव म खेत मन म बाढ़ जइसे हालात पैदा होगे हे। इंहा बांधा म जादा पानी भर जाये के सेती फूटगे हे, जेखर ले कतनो एकड़ म खेत मन म लगे हुए फसल चौपट होगे हे, जानकारी लगे के बाद जिला कलेक्टर एसएन राठौर खुद स्थिति के जायजा ले बर उहां पहुंचिस।
कलेक्टर एस एन राठौर ह इहां पहुंच के ग्रामीण मन ले पूरा जानकारी लीन, उहें क्षेत्रीय विधायक अउ संसदीय सचिव अम्बिका सिंहदेव ह जलसंसाधन मंत्री रविन्द्र चौबे ले पूरा मामला म बात करिन, ओमन किसान मन ल हर सम्भव मदद करे बर जिला प्रशासन ल निर्देश दिस। खांडा बांधा के फूटे के जानकारी होय के बाद कोरोना काल म हां मछली पकड़इया ग्रामीण मन के भीड़ उमड़ पड़िस।
विधायक अउ संसदीय सचिव अम्बिका सिंहदेव ह लापरवाही ल लेके जलसंसाधन विभाग के अधिकारी मन ऊपर नाराजगी जताईस, ओमन जलसंसाधन मंत्री रविन्द्र चौबे ले बात करिन, अउ लापरवाही बरतने वाला अधिकारी मन ऊपर कार्यवाही के बात कहिन।