मुख्यमंत्री ह समय म आपूर्ति के दीन निर्देश
रायपुर, राज्य म खरीफ फसल के सीजन चालू हो गए हे अऊ किसान खेत मन म काम करे बर लग गए हें। ए बीच मुख्यमंत्री श्री विष्णुदेव साय ह सबो जिलाधिकारी मन ल हुकुम देहे हें के किसान मन ल खाद अऊ बीज के आपूर्ति प्राथमिकता के संग करे जाय, ताकि ओ मन ल कोनो प्रकार के असुविधा झन होवय अऊ ओ मन बिना फिकर के खेती के काम ल कर सकंय।
राज्य सरकार कोति ले किसान मन के हित म सरलग लेहे जात निर्णय मन ले खेती के प्रति किसान मन म नवा उत्साह देखे जात हे। सरकार ह प्राथमिक सहकारी समिति मन के माध्यम ले बीज अऊ खाद के समय म आपूर्ति ठउका करे हे। संगेच अल्पकालिक ऋण के सुविधा घलोक किसान मन ल उपलब्ध कराए जात हे, जेखर से ओ मन ल खेती बर जरूरी संसाधन जुटाए म आसानी होवत हे।
किसान मन ल अब केवल धान फसल तक सीमित नइ रखत हें भलुक दलहन, तिलहन अऊ मक्का जइसे वैकल्पिक फसल मन ल बढ़ावा बढ़ावा देवत हें। सरकार कोति ले लेहे गए निर्णय के मुताबिक अब ए फसल मन के बोआई करइया पंजीकृत किसान मन ल घलोक कृषक उन्नति योजना के लाभ मिलही। किसान मन ह ए निर्णय के स्वागत करत कहे हें के एखर से खेती के विविधता बाढ़ही अऊ ओ मन आर्थिक रूप ले जादा मजबूत होहीं।
सहकारी समिति मन के माध्यम ले किसान मन ल मिलत हे खातू अऊ बिजहा
