किसान मन बर समिति मन म खातू के कोनो कमी नइ हे

खरीफ के लक्ष्य ले 94 प्रतिशत खाद के भंडारण, 70 प्रतिशत के वितरण घलो
डीएपी के कमी ले निपटे बर तीन लाख ले जादा बोतल नैनो डीएपी उपलब्ध
रायपुर, राज्य सरकार ह चालू खरीफ सीजन म रासायनिक खाद के निर्धारित लक्ष्य ले अभी तक 94 प्रतिशत खाद के भंडारण करे हे अऊ संगेच भंडारित खाद म ले 70 प्रतिशत खाद के वितरण घलोक किसान मन ल कर दे गे हे। राज्य म रासायनिक खाद जइसे यूरिया, एनपीके, पोटाश, सुपर फास्फेट जइसे रासायनिक खाद पर्याप्त मात्रा म उपलब्ध हे अऊ किसान मन ल उंखर मांग के मुताबिक सरकारी समिति मन ले लगातार मिलत हे।
कृषि अधिकारी मन ले मिले जानकारी के मुताबिक प्रदेश म चालू खरीफ मौसम बर 6 लाख 22 हजार मीट्रिक टन यूरिया के भंडारण करे गए हे, जेमा ले 4 लाख 87 हजार मीट्रिक टन यूरिया के वितरण अब तक किसान मन ल करे जा चुके हे, जऊन कुल भंडारण के 68 प्रतिशत हे। ए प्रकार 2 लाख 22 हजार मीट्रिक टन एनपीके के भंडारण के बाद अब तक 1 लाख 70 हजार मीट्रिक टन के वितरण हो चुके हे, जऊन भंडारण के 95 प्रतिशत हे।
राज्य म 77 हजार मीट्रिक टन ले जादा पोटाश अऊ 2 लाख 76 हजार मीट्रिक टन ले जादा सुपर फास्फेट चालू खरीफ म वितरण बर रखे गए हे। राज्य सरकार के निर्देश म इफको कंपनी ह प्रदेश म 3 लाख 5 हजार बोतल ले जादा नैनो डीएपी के भंडारण कराए हे जेमा डबल लॉक केन्द्र म 82 हजार 470 बोतल, प्राथमिक सहकारी कृषि साख समिति म अब तक 1 लाख 41 हजार 389 बोतल अऊ निजी क्षेत्र म 48 हजार बोतल तरल नैनो डीएपी के भंडारण कराए गए हे। इफको कंपनी के पास अभी घलो 33 हजार बोतल ले जादा नैनो डीएपी बचे हे।