दुर्ग, वनमंडल दुर्ग के आयोजन, विश्व पर्यावरण दिवस म दुर्ग वनमंडल कोति ले ए पइत खारून नदी बचाओ अभियान के थीम म काम होही। एखर बर तर्रीघाट ले खोरपा तक भिनसरहा साढ़े पांच बजे दौड़ के आयोजन होही। संझा साढ़े पांच बजे किसान सम्मेलन अउ गोष्ठी के आयोजन होही अउ स्वप्न भट्टाचार्य अउ टीम कोति ले सांस्कृतिक कार्यक्रम के आयोजन करे जाही। एखर बर वातावरण तैयार करे ल पहिली दू दिन घलोक विशेष कार्यक्रम होही। 3 जून को ग्राम अमलेश्वर ले केसरा तक भिनसरहा साढ़े पांच बजे 30 किमी साइकिल रैली के आयोजन करे जाही। 4 जून को केसरा-कौही तक पांच किमी के दूरी म पदयात्रा के आयोजन भिनसरहा साढ़े पांच बजे करे जाही।
खारून नदी बचाओ अभियान अंतर्गत पर्यावरण दिवस म होही तर्रीघाट ले खोरपा के बीच दउंड़
