रायपुर, केन्द्रीय सड़क अऊ राजमार्ग विभाग कोति ले देश म सड़क कनेक्टिविटी बढ़ाए अऊ दूरस्थ क्षेत्र मन म यातायात ल सुगम बनाए बर मल्टीमोडल कनेक्टिविटी उपर बंगलुरु म आयोजित दू दिन के ‘मंथन’ कार्यक्रम म छत्तीसगढ़ के वाणिज्य अऊ उद्योग अऊ आबकारी मंत्री श्री कवासी लखमा अऊ प्रतिनिधिमंडल घलोक सामिल होइन।
कार्यक्रम म उद्घाटन सत्र ल सम्बोधित करत होइन केन्द्रीय सड़क अऊ राजमार्ग मंत्री श्री नितिन गडकरी ह राज्य सरकार मन ले आह्वान करिन कि राज्य मन म औद्योगिक उत्पाद मन के उत्पादन लागत कम करे बर अऊ उत्पाद मन के निर्बाध परिवहन बर अधोसंरचना तियार करे बर सड़क, जल अऊ रेल परिवहन के उन्नयन जरूरी हे। उमन औद्योगिक उत्पादन के निर्यात ल बढ़ाए बर उद्योग मन ल मल्टीमोडल कनेक्टिविटी के विकास बर आगू आए ल कहिन अऊ राज्य मन ले एन.एच.ए.आई. के संग मिलके नवा औद्योगिक क्षेत्र मन के विकास करे के आह्वान घलोक करिन।
ये कार्यक्रम म छत्तीसगढ़ के उद्योग विभाग के श्री प्रवीण शुक्ला, श्री संजय गजघाटे, श्री ओ पी बंजारे, श्री जयंत देवांगन के संग, एन.एच.ए.आई. के श्री पिपरे के संग आन अधिकारी घलोक सामिल होइन।