खेलबो-जीतबो-गढ़बो नवा छत्तीसगढ़
रायपुर, 21 दिसम्बर 2020। मुख्यमंत्री श्री भूपेश बघेल के पहल म छत्तीसगढ़ म खेल के विकास बर खेल अऊ युवा कल्याण विभाग ह एक अऊ बड़का उपलब्धि हासिल करे हे। केन्द्र सरकार ह बस्तर जिला मुख्यालय जगदलपुर म 5 करोड़ के लागत ले सिंथेटिक टर्फ फुटबॉल ग्राउण्ड के संग खिलाड़ि मन बर रनिंग ट्रेक के स्वीकृति प्रदान करे हे। जगदलपुर म सिंथेटिक टर्फ फुटबॉल मैदान बन जाय ले बस्तर के खेल प्रतिभा मन ल आगू बढ़े के सुनहरा अवसर मिलही।
जानबा हे कि प्रदेश म खेल ल बढ़ावा देहे अऊ खेल अधोसंरचना मन के विकास बर मुख्यमंत्री श्री भूपेश बघेल के नेतृत्व म खेलबो-जीतबो-गढ़बो नवा छत्तीसगढ़ के परिकल्पना ल तेजी ले साकार करे जात हे। खेल अऊ युवा कल्याण संचालनालय ह खेलो इंडिया योजना के तहत जगदलपुर बस्तर म सिंथेटिक फुटबाल ग्राउण्ड अऊ रनिंग ट्रेक निर्माण के प्रस्ताव भारत सरकार ल प्रेषित करे गए रहिस। मुख्यमंत्री श्री भूपेश बघेल के विशेष प्रयास ले भारत सरकार ह जगदलपुर म 5 करोड़ रूपिया के सिंथेटिक फुटबाल टर्फ ग्राउण्ड के संग खिलाड़ि मन बर रनिंग ट्रेक के निर्माण के प्रशासकीय स्वीकृति 18 दिसंबर 2020 के जारी कर देहे हे।
