माँ ह लइका के जीवन बचाय बर मुख्यमंत्री ल दीस धन्यवाद

डॉ.खूबचन्द बघेल स्वास्थ्य सहायता योजना ले मिलीस युवान ल नवा जीवन
माँ के आग्रह म मुख्यमंत्री ह खिंचवाईस लइका के संग फोटू
रायगढ़, राजपुर भेंट मुलाकात म आज एक भावुक कर देवइया बेरा आगू आइस, जब एक 4 साल के लइका के संग ओखर मां अचानक खड़े हो गे अऊ ओ हर कहिस ये लइका के जीवन आज मुख्यमंत्री के सेती बांचे हे।

दरअसल ये महिला के लइका के दिल म बचपन ले ही छेद रहिस अऊ ओखर इलाज नइ हो पात रहिस फेर डॉ खूबचंद बघेल स्वास्थ्य सहायता योजना के मदद ले युवान कुजूर नाम के ये 4 साल के लइका के इलाज घलोक होइस अऊ आज ये लइका पूरा स्वस्थ घलोक हे। जइसनहेच पता चलिस के मुख्यमंत्री खुद लैलूंगा के राजपुर अवइया हे, ओ ह अपन लइका के संग भेंट मुलाकात कार्यक्रम स्थल पहुंचीस अऊ अपन लइका के जीवन बचाय बर मुख्यमंत्री ल धन्यवाद दीस। अपन आंखी म खुशी के आंसू लेके वो ह मुख्यमंत्री ले अपील करिस कि वो ये लइका के संग एक फोटो खिंचवावए। मुख्यमंत्री ह वोखर बात ल सुनके ओ ल मंच म बलवाइस अऊ वोखर संग मया ले फोटो खिंचवाईन।