रायपुर, गंभीर बीमारी मन म गरीब अउर जरूरतमंद परिवार बर इलाज के खरचा वहन करना मुश्किल होथे, अइसन म राज्य सरकार ह हर नागरिक तक गुणवत्तापूर्ण स्वास्थ्य सुविधा ल पहुंचाए के उदीम करे जात हे। दूरस्थ नक्सल प्रभावित क्षेत्र मन संग दुर्गम इलाका मन म पहुंचके स्वास्थ्य विभाग के टीम हर आखरी मनखे तक स्वास्थ्य सुविधा के पहुंच बनाए म जुटे हे। नक्सल प्रभावित क्षेत्र सुकमा म स्वास्थ्य विभाग के अधिकारी अउ कर्मचारी मन के कड़ा मेहनत के परिणाम हे कि 11 गांव के हर एक परिवार के सदस्य मन के हेल्थ आई.डी.कार्ड बनाय जा चुके हे। हेल्थ कार्ड के संग अब ग्रामीण डॉ. खूबचंद बघेल स्वास्थ्य सहायता योजना, मुख्यमंत्री विशेष स्वास्थ्य सहायता योजना संग आन स्वास्थगत योजना मन के अंतर्गत पंजीकृत शासकीय या निजी अस्पताल म पात्रतानुसार निःशुल्क उपचार के सुविधा के लाभ उठा सकहीं।
जिला कार्यक्रम समन्वयक प्रधानमंत्री जन आरोग्य योजना श्री दीपेश दीवान ह बताइस के सुकमा विकासखण्ड ले कोसाबन्दर, छिन्दगढ़ के गांव मन बड़ेगुरबे, भण्डाररास, बोदारास, चिपुरपाल, छोटेगुरबे, चूआपाल अऊ कोण्टा विकासखण्ड के 4 गांव मन रामाराम, सिंगनमडगु, वेंकटपाल अऊ वेंकटपुरम ग्राम म 100 प्रतिशत परिवार के आयुष्मान कार्ड बनाय जा चुके हे। एखर संगेच सुकमा के 6, छिन्दगढ़ के 14 अऊ कोण्टा के 1 गांव म 90 प्रतिशत ले जादा गांव वाले मन के आयुष्मान कार्ड बना दे गए हे।
कैंसर, हदय रोग, लइका मन के दिल के गंभीर बीमारी अउ आन जटिल रोग मन के उपचार म निःशुल्क स्वास्थ्य सुविधा
आयुष्मान भारत योजना के अन्तर्गत प्राथमिकता अउ अंत्योदय राशन कार्डधारी परिवार मन ल हर बछर पांच लाख रुपिया अउ आन राशन कार्ड धारी परिवार ल 50 हजार तक के चिकित्सा सुविधा राज्य के कोनो पंजीकृत निजी अउ शासकीय चिकित्सालय म प्रदान करे जाही। उहें मुख्यमंत्री विशेष स्वास्थ्य सहायता योजना के अंतर्गत चिन्हित दुर्लभ बीमारी मन बर राज्य के पात्र परिवार ल राज्य स्तर अऊ प्रदेश के बाहिर स्थित अऊ योजनांतर्गत पंजीकृत सुपर स्पेशिलिटी अउ मल्टी स्पेशिलिटी चिकित्सालय मन म 20 लाख रूपिया तक के इलाज के सुविधा प्रदान करे जाथे। जानबा हे कि हेल्थ कार्ड के संग कई प्रकार के बीमारी मन के स्क्रीनिंग ल सामिल करे गए हे, जेमां बी.पी., मधुमेह, मुख कैंसर, स्तन कैंसर, सर्वाइकल कैंसर, हदय रोग, लइका मन के दिल के गंभीर बीमारी अउ आन जटिल रोग मन के संग आन कई बीमारी मन ल सामिल करे गए हे।
नक्सल प्रभावित क्षेत्र के 11 गांव मन के हर एक परिवार ल मिलीस आयुष्मान कार्ड
