राजनांदगांव,12 अक्टूबर 2020। राजनांदगांव के सोमनी थाना इलाका के उड़ता पंजाब ढ़ाबा संचालक बलजीत सिंह सेठिया के 17 वर्षीय बेटा ल अज्ञात लोगन ह अपहरण कर लेहे। घटना उड़ता पंजाब नाम के ढाबा म होइस जिहा नाबालिग युवक ढाबा म मौजूद रिहिस तभे कुछ लोगन एसयूवी म आइस अउ युवक ल उठा के संग म ले गीस। घटना के बाद काफी देर तक ढाबा म अफरा-तफरी के माहौल रिहिस तत्काल घटना के जानकारी पुलिस ल दे गीन। जानकारी के मुताबिक जे युवक के अपहरण होय हे ओहा उही ढाबे के संचालक बलजीत सिंह सेठिया के बेटा हरे।
मिले जानकारी के मुताबिक ढ़ाबा संचालक के बेटा ल बीते रात अज्ञात लोगन मन ह अगवा करे हे। हालांकि ये मामला म क्रिकेट सटोरिया गिरोह ऊपर आशंका जताय जावत हे, जेखर चलत रायपुर, भिलाई-दुर्ग, महासमुंद अउ सरायपाली तक पुलिस ल अलर्ट करे गेहे। सोमनी पुलिस ह अपहरण के मामला म अज्ञात लोगन के खिलाफ धारा 363, 364 A, 384 के तहत अपराध पंजीबद्ध कर लेहे, उहें फिरौती के मांग ल लेके कहे जावत हे कि अपहरकर्ता मन ह 50 लाख के फिरौती मांगे हे पुलिस संभावना के आधार म तलाश करत हवे।
