किसान चैनुराम नरेटी के टेक्टर ट्राली बिसाए के सपना होइस पूरा

उत्तर बस्तर कांकेर, नेहा राठौर के खबर/ अंतागढ़ विकासखण्ड के अंदरुनी गांव भैंसासुर निवासी चैनुराम नरेटी ह अब टेक्टर ट्राली के मालिक बन गए हे। टेक्टर ट्राली के रहे के अपन खेती के बुता के सिवा तीर तखार के गांव म घलो खेती ले जुड़े बुता कर के पईसा कमात हे,जेकर ले अपन परिवार के पालन-पोषन करे म सहायता मिलत हे।
किसान चैनूराम नरेटी ह बताइस के टेक्टर बिसाये के मोर सपना पूरा होगे। अब मै ह खुदे ट्रेक्टर चलाथो,जेकर से मोला हर महीना 35 ले 40 हजार रुपिया के कमई हो जाथे,ओही पईसा म के हर महीना 21 हजार रूपिया के किसती पटाथो। जिला अंत्यावसायी विकास समिति कांकेर के द्वारा जिला म के प्रकार के स्वरोजगार योजना के माध्यम ले हितग्राही मन ल लाभान्वित करे जाथ हे।
जिला के अनुसूचित जाति, जनजाति, पिछड़ा वर्ग अउ अल्पसंख्यक वर्ग के आर्थिक विकास करे ब स्वरोजगार ब ऋण घलो दिए जाथ हे अउ बेरोजगार युवा मन ल व्यवसायिक प्रशिक्षण देके स्वावलंबी बने के प्रशिक्षण दिए जाथ हे।
किसान चैनुराम नरेटी ह बताइस के ओ ह खेती के बुता करथे लेकिन ओकर करा टेक्टर नई रहिस हे आन कोनो के   टेक्टर ल किराया म लाये म महंगि परे अउ अपन टेक्टर बिसाये ब ओकर करा पईसा नई रहीस हे। जिला अंत्यावसायी सहकारी विकास समिति कांकेर के द्वारा ट्रैक्टर ट्राली योजना ब स्थानीय समाचार पत्र मन म बिज्ञापन (विज्ञप्ति प्रकाशित) दिए गए रहीस हे,ओही बिज्ञापन ल देख के जिला अंत्यावसायी कार्यालय म मैं ह सम्पर्क कर के आवेदन जमा करे रहेंव। चयन समिति की बईठक म इकाई लागत 10.63 लाख रुपिया ब चयन होके ऋण ल स्वीकृत करे गईस। जरूरी कागज पाथा ल जमा करे के गए ले मोला अपन मन पसंद के टेक्टर ट्राली मिल गईस।जेकर से मै अपन खेती बुता अउ तीर तखार के गांव वाले मन के घलो खेती बुता ल करत हव। मै ह सरकार अउ अंत्यावसायी विभाग कांकेर के अबड़ अभारी हव के ओमन मोर सपना ल पूरा करिस।