किसान मन बर जरूरी सूचना : कृषि ऋण अऊ क्रेडिट कार्ड बर विशेष अभियान

  • जउन किसान मेर क्रेडिट हे अउ अपन ऋण नवीनीकृत नइ करा पाए हें अईसे किसान तको बैंक ले संपर्क करके नवा ऋण स्वीकृत करा सकहीं
  • उद्यानिकी फसल, पशुपालन अउ मछलीपालन ले जुड़े किसान घलव आसानी ले किसान क्रेडिट कार्ड बना सकहीं

रायपुर, 11 फरवरी 2020। किसान मन ल आसानी ले कृषि ऋण के लाभ देवाए बर कृषि विभाग कोति ले 08 फरवरी ले 15 दिन के विशेष अभियान चलाए जात हे। अभियान के उद्देश्य जादा ले जादा किसान मन ल किसान क्रेडिट कार्ड के दायरा म लाना हे, जेखर से किसान उन्नत कृषि तकनीक अपनाके जादा लाभ कमा सकयं। प्रधानमंत्री किसान सम्मान निधि के तहत किसान मन ल तीन किश्त म छै हजार रूपिया के सहायता राशि सालाना दे जाथे। छत्तीसगढ़ म प्रधानमंत्री किसान सम्मान निधि अन्तर्गत लगभग 21 लाख हितग्राही मन के पंजीयन करे गए हे।

कृषि विभाग के अधिकारी मन ह बताइन कि ए अभियान के समय बैंक मन कोति ले प्रधानमंत्री किसान सम्मान निधि अंतर्गत लाभान्वित हितग्राही मन के पहिचान करे जाही, जिकर किसान क्रेडिट कार्ड नइ बने हे, उन हितग्राही मन ल कृषि ऋण देहे बर प्रधानमंत्री किसान सम्मान निधि के कागद मन के उपयोग करे जाही। प्रधानमंत्री किसान सम्मान निधि म पंजीकृत हितग्राही संबंधित बैंक ले सीधा संपर्क करके आसानी ले कृषि ऋण प्राप्त कर सकत हे। किसान क्रेडिट कार्ड होए के बाद घलव जऊन किसान ऋण नवीनीकृत नइ कर पात हें, अइसन किसान घलोक बैंक ले संपर्क करके नवा ऋण स्वीकृत करा सकत हें।

कृषि ऋण प्रक्रिया ल आसान बनाए बर बैंक मन कोति ले एक पेज के फार्म तैयार करे गए हे। किसान आवेदन ल पूरा भरके बैंक म जमा करके 14 दिन के भीतर किसान क्रेडिट कार्ड प्राप्त कर सकत हे। प्रधानमंत्री किसान सम्मान निधि अंतर्गत लाभान्वित किसान जिकर किसान क्रेडिट कार्ड ओ बैंक म नइ हे, बैंक मन कोति ले अइसन किसान मन के सूची आन बैंक, सरपंच अऊ बैंक सहायक मन के संग साझा करे जाही अऊ किसान मन ल किसान क्रेडिट कार्ड बनाए बर प्रोत्साहित करे जाही। प्रधानमंत्री किसान सम्मान निधि के तहत पंजीकृत किसान जनसुविधा केन्द्र मन म घलोक पहुंच के आवेदन कर सकत हे। ए कार्यक्रम ले उद्यानिकी फसल के किसान अउ पशुपालन अउ मछलीपालन ले जुड़े किसान घलोक आसानी ले किसान क्रेडिट कार्ड बना सकत हें।

एहू ल पढ़व ..  खाद्य मंत्री श्री भगत ह करिन धान बिसइ ठीहा के उदुपहा जांच

अभियान के तहत बैंक मन कोति ले ऋण राशि तीन लाख रूपिया तक लगइया प्रोसेसिंग शुल्क ल माफ करे जाही। जऊन किसान मन के ऋण सीमा 1.6 लाख रूपिया तक हे, उन किसान मन ल बिना कोनो गारंटर के तुरंत ऋण के स्वीकृति दे जाही। कृषि ऋण बर खसरा अऊ खतौनी कागद जरूरी हे, पटवारी मन ल संबंधित कागद तुरंत देहे के हुकुम देहे गए हे। जिला कलेक्टर मन के मार्गदर्शन म लीड बैंक कोति ले जनजागरूकता अभियान घलोक चलाए जाही। ए कार्यक्रम म पटवारी, ग्रामीण कृषि विस्तार अधिकारी अउ पंचायत विभाग के मैदानी अमला के सक्रिय सहभागिता रइहि। किसान ए अभियान के फायदा उठाके आसानी ले बैंक मन ले कृषि ऋण प्राप्त कर सकत हें।

लउछरहा..