किसानन के हित म मुख्यमंत्री के एक ठो अउ बड़का निर्णय : अब सबे समिति म समर्थन मूल्य म होही मक्का खरीदी : दाउ भूपेश बघेल

रइपुर, 06 जुलाई 2021 मंगल। मुख्यमंत्री दाउ भूपेश बघेल ह आज खाद्य अउ नागरिक आपूर्ति विभाग के समीक्षा बइठका म मक्का किसान मन के हित म एक ठो अउ बड़ा निर्णय लेवत अब सबो समिति मन म खरीफ अउ रबी मौसम के मक्का के समर्थन मूल्य म खरीदी के घोषणा करीन । मुख्यमंत्री कहीन कि प्रदेश के ज्यादा मक्का उत्पादन वाले क्षेत्र मन म मक्का अउ कुसियार ‘गन्ना’ ले एथेनॉल उत्पादन संयंत्र के स्थापना के उदीम करे जाही।
उन मन रायगढ़ के बंद जूट मिल ल फेर प्रारंभ कराए बर अधिकाररी मन ल उदीम करे के हुकुम दीन। मुख्यमंत्री कहीन कि राजीव गांधी किसान न्याय योजना के नवा प्रावधान मन के लाभ अधिक ले अधिक किसान मन ल मिलय एकर बर समिति मन बैनर लगाके परचार —परसार करे जावय।किसान मन के पंजीयन एकेच पोर्टल म करे जावय। छत्तीसगढ़ ल केन्द्र ले मांग के विरूद्ध मात्र 43.87 प्रतिशत उर्वरक के आपूर्ति करे गे हवय। छत्तीसगढ़ के जगा यूरिया के आबंटन म देश म 19वां, डीएपी म 15वां हवय ।