निःशुल्क बिजली ले बदलिस खेती के तस्वीर

किसान जीवन ज्योति योजना बनिस किसान मन के सबले बड़का ताकत
8 लाख 41 हजार ले जादा किसान परिवार मन ल सीधा लाभ
रायपुर, कभी बिजली बिल के डर, कभू सिंचाई खातिर करजा, ये हालात अब छत्तीसगढ़ के लाखों किसान मन बर बीते कल के बात हो गे हे। छत्तीसगढ़ सरकार कोति ले संचालित किसान जीवन ज्योति योजना ह खेती के लागत घटाके किसान मन ल आत्मनिर्भर बनाए के दिशा म बड़का बदलाव करे हे। 5 एचपी तक के कृषि पंप मन ल निःशुल्क अऊ रियायती बिजली ह खेत मन तक खुशहाली पहुंचाए हे। 
ए योजना के तहत 3 एचपी तक के कृषि पंप ल 6000 यूनिट अऊ 3 ले 5 एचपी के पंप मन ल 7500 यूनिट प्रति साल तक बिजली बिल म छूट देहे जात हे। एकर सीधा फायदा ये वाले होय हे के किसान मन ल सिंचाई खातिर अलग से खर्च नइ करना पड़त हे। नतीजतन फसल मन के समय म सिंचाई अऊ उत्पादन म बढ़ोतरी होए हे।
योजना के सबसे खास बात हे के फ्लैट रेट विकल्प। ए विकल्प ल चुनइया किसान मन ल बिजली खपत के कोनो सीमा नइ हे। ओ मन ल सिरिफ 100 रूपिया प्रति एचपी प्रति महिना के दर ले बिल के भुगतान करना होथे। उहें अनुसूचित जाति अऊ अनुसूचित जनजाति के किसान मन बर बिजली खपत म कोनो सीमा नइ हे, जेखर से समाज के कमजोर वर्ग मन ल सीधा राहत मिले हे।
राज्य शासन ह बीते दू बछर म ए योजना खातिर करीब 13 हजार 523 करोड़ रूपिया के अनुदान देहे हे। अभी हाल म प्रदेश के 8 लाख 41 हजार कृषि पंप उपभोक्ता ए योजना के लाभ लेवत हें। साल 2025-26 खातिर घलोक शासन ह 3500 करोड़ रूपिया के बजट प्रावधान करे हे, जेखर से योजना ल अऊ विस्तार मिले के भरोसा हे।