रइपुर, 31 मार्च 2021 बुधवार। कृषि वैज्ञानिक मन डाहर ले किसान मन ल अवइया दिन मन म तापमान म बढ़ौतरी होए के संभावना ल देखत गहूं अउ चना फसल के कटई लउहे करे के सलाह देहे गे हे। पाके गंहू, फसल के कटई म समे अउ ऊर्जा के बचत खातिर ट्रेक्टर चालित रीपर या कम्बाइन हार्वेस्टर के उपयोग करे जा सकत हे।
किसान भाई मन ल ग्रीष्म कालीन धान के फसल ल तना छेदक कीट के प्रकोप ले बाचे बर प्रारम्भिक नियंत्रण खातिर प्रकाश प्रपंच अथवा फिरोमेन ट्रेप के उपयोग करे, ग्रीष्म कालीन धान म आवश्कतानुसार सिंचाई करे, मक्का फसल नरमंजरी अवस्था म होए म नत्रजन के तीसरइया मात्रा के छिड़काव करे के संगे— संग आवश्यकतानुसार सिंचाई करे के सलाह देहे गे हावय। ग्रीष्मकालीन तिली फसल नइ लगाए गे हे त खेत के जोतई करके बोवई करे के बाद सिंचई करे के सलाह देहे गे हे ।
ग्रीष्म कालीन साग-सब्जी फसल मन म सिंचई व्यवस्था ठीक से करैं अउ तापमान ह कीट फैले बर अनुकूल हवय, एला ध्यान मे रखते भिन्डी, बैंगन जइसन फसल मन म रोज कीट मन के निगरानी करैं। बेला वाले फसल मन के मचान, सहारा मन ल ठीक करैं अउ कुंदरू अउ परवल म उर्वरक डालैं। फरवरी म बोवई करे गेहे फसल जइसे भिन्डी, बरबटी, ग्वारफली इत्यादि मन म गुडाई करके सिंचई करैं।
किसान मन ल गहूं अउ चना फसल के कटई लउहे करे के सलाह
