मुंगेली जिला के डांडगांव ले आए किसान मन के प्रतिनिधि मंडल ह मुख्यमंत्री ल बताइस कि उमन ह दू, तीन, चार अऊ छै किसान मन के समूह बनाके नलकूप खनन कराए हें। एखर बर बिजली कनेक्शन बर विद्युत विभाग म आवेदन करे रहिन, जिहां ले जादा राशि के प्राक्कलन दे गए हे। प्रतिनिधि मंडल ह बताइस कि चार किसान मन के समूह के नलकूप के बिजली कनेक्शन बर विद्युत विभाग कोति ले सात लाख 36 हजार रूपिया के प्राक्कलन दे गए हे। ये मा चार लाख रूपिया अनुदान के बाद किसान मन ल तीन लाख 36 हजार रूपिया पटाना होही। किसान मन बर ये राशि बिक्कट जादा हे। प्रतिनिधि मंडल ह बिजली कनेक्शन के राशि कम कराए के आग्रह मुख्यमंत्री ले करिन। मुख्यमंत्री ह ये संबंध म उचित पहल के आश्वासन दीन।
किसान मन ह नलकूप बर बिजली कनेक्शन म आवत दिक्कत बताइन, मुख्यमंत्री ह उचित पहल के दीन आश्वासन
