माँ बम्लेश्वरी देवी प्रसाद योजना के उद्घाटन अवसर म केंद्रीय पर्यटन मंत्री आहीं छत्तीसगढ़

रायपुर, 01 फरवरी 2024। छत्तीसगढ़ के पर्यटन व संस्कृति मंत्री श्री बृजमोहन अग्रवाल ह काली नई दिल्ली म केंद्रीय पर्यटन मंत्री श्री जी. किशन रेड्डी ले मुलाक़ात करिन। मंत्री श्री अग्रवाल ह बताइन कि चार धाम के तर्ज म छत्तीसगढ़ के महत्वपूर्ण धार्मिक आस्था के केन्द्र मन ल शक्तिपीठ परियोजना के तहत विकसित करे जाही। छत्तीसगढ़ के पाँच शक्तिपीठ सूरजपुर के कुदरगढ़, चन्द्रपुर के चन्द्रहासिनी मंदिर, रतनपुर के महामाया मंदिर, डोंगरगढ़ के बम्लेश्वरी मंदिर अऊ दंतेवाड़ा के दंतेश्वरी मंदिर म चरणबद्ध ढंग ले पर्यटक सुविधा विकसित करे जाही। उमन एला पर्यटन मंत्रालय के योजना म सामिल करके स्वीकृति प्रदान करे के आग्रह करिन।
एखर संगेच उमन प्रसाद योजनांतर्गत माँ बाघेश्वरी मंदिर, कुदरगढ़, सिरपुर के विकास काम मन के स्वीकृति अउ स्वदेश दर्शन योजना 2.0 के अंतर्गत चुने गे जगदलपुर अउ बिलासपुर डेस्टिनेशन बर पी.डी.एम.सी. (प्रोजेक्ट डेव्लपमेंट एंड मैनेजमेंट कंसल्टेंट) चयन करके क्रियान्वयन बर राशि स्वीकृति करे के आग्रह करिन। उमन केंद्रीय मंत्री ल मां बम्लेश्वरी देवी प्रसाद योजना के उद्घाटन कार्यक्रम म छत्तीसगढ़ आए के नेवता घलोक दीन, जेन म उमन 15 फरवरी के बाद छत्तीसगढ़ आए के सहमति देहे हें।