सुकमा, 25 फरवरी 2021। छत्तीसगढ़ म कृषि के नवा तकनीक ह किसान मन ल समृद्धि के नवा रद्दा देखाए हे। प्रदेश के दूरस्थ जिला सुकमा जिला के उरमापाल के किसान भीमा ल समृद्धि के ये नवा रद्दा ल देखाय म कृषि विभाग के आत्मा योजना ह महत्वपूर्ण भूमिका निभाए हे। सुकमा म छिन्दगढ़ विकासखण्ड के किसान मन सबले जादा धान के खेती करथें। फेर अब ये क्षेत्र के किसान धान के अलावा आन फसल के माध्यम ले अपन आय म वृद्धि करत हें। भीमा मण्डावी जइसे युवा मन ह आधुनिक कृषि ल अपनाके न केवल खुद समृद्धि के राह म कदम बढ़ाए हें, भलुक क्षेत्र के युवा कृषक मन बर घलोक प्रेरणास्त्रोत अऊ मार्गदर्शक बनत हें।
खेती के उन्नत तकनीक अपनाके बस्तर के किसान आत्मनिर्भर बने के दिशा म अग्रसर हे। विकासखंड जगदलपुर म ग्राम चिलकुटी के किसान श्रीधर ह खेती ले संबंधित विभागीय योजना मन के लाभ लेके आर्थिक विकास करे हे। श्रीधर तीर करीबन 4 एकड़ खेती के जमीन हे। जेमां सिचांई के साधन नइ होए के सेती केवल खरीफ म धान के फसल होवत रहिस। संगेच ओ ल वर्षा आधारित खेती होए के संती मनमुताबिक उत्पादन घलोक नइ मिल पात रहिस। कृषि विभाग के योजना के अंतरगत किसान श्रीधर ह नलकूप खनन करवाइस, फलस्वरूप खरीफ म धान अऊ रबी म मटर, सूरजमुखी, मूंगफली, मक्का अऊ आन साग-भाजी के खेती करके अकतहा आय कमावत हे।
