किसान, गरीब, मजदूर मन के मदद बर सबले आगू हे छत्तीसगढ़ सरकार -सांसद श्री राहुल गांधी

रायपुर.21 मार्च 2021। लोकसभा सांसद श्री राहुल गांधी ह कहीन कि किसान, गरीब, मजदूर मन के मदद बर छत्तीसगढ़ सरकार सबले आगू हे। लोकसभा सांसद श्री राहुल गांधी ह राजीव गांधी किसान न्याय योजना अउ गोधन न्याय योजना के तहत मुख्यमंत्री निवास रइपुर म आयोजित कार्यक्रम ल मुँह जबानी संबोधित करत रहिन हे।
उनमन कहीन कि भूपेश सरकार ह एक के पीछू एक बने कदम उठावत हावय। उन आगू कहीन कि छत्तीसगढ़ के सरकार ह जनता जउन वादा करे रिहिेसे ओला ईमानदारी ले निभावत आवत हे। मुख्यमंत्री ह राजीव गांधी किसान न्याय योजना के चैथइया किस्त 1104 करोड़ किसान मन के खाता म भेजीन अउ गोधन न्याय योजना के ताहत पशुपालक अउ ग्रामीण मन के खाता म गोबर खरीदे गेहे एवज म 7 करोड़ 55 लाख रूपिया भेजीन। ए तरह ले राजीव गांधी किसान न्याय योजना के तहत 5628 करोड़ अउ गोधन न्याय योजना के तहत 88 करोड़ रूपिया के भुगतान करे गइस।
लोकसभा सांसद श्री राहुल गांधी ह किसान, गरीब, मजदूर मन ल सोज्झे सोझ मदद पहुँचाए खातिर मुख्यमंत्री दाऊ भूपेश बघेल, मंत्रिमंडल के सहयोगी संगवाराी अउ छत्तीसगढ़ के जनता अउ किसान मन ल बघाई अउ शुभकामना दीन। कहीन कि छत्तीसगढ़ सरकार ह आम जनता के भलई बर जउन रद्द अपनाए हवय ओकर बर मैं छत्तीसगढ़ सरकार ल बधई देवत हौ।
मुख्यमंत्री दाऊ भूपेश बघेल राजीव गांधी किसान न्याय योजना अउ गोधन न्याय योजना के राशि किसान, पशुपालक अउ ग्रामीण मन के खाता म अंतरित करे के पीछू अपन गोठ म कहीन कि छत्तीसगढ़ सरकार वादा करके भूलइया नोहय, भलकुन वादा करके पूरा करइया सरकार हरे। मोला खुशी हावय कि हमन छत्तीसगढ़ के किसान मन ले कर्जामाफी, सिंचई कर माफी अउ उन्कर उपज के पूरा दाम देवाए के वादा ल पूरा करे हावन।