खरीफ 2022 बर किसान मन ल 134 प्रतिशत जादा कर्जा
रइपुर, 13 जुलाई 2022
मुख्यमंत्री ह अपन घरू कार्यालय म समीक्षा बइठका लीस। जेमें जानकारी दे गीस कि सहकारिता के माध्यम ले खरीफ बछर 2022 म 10 जुलाई के स्थिति म किसान मन ल पीछु बछर के तुलना म 134 प्रतिशत अधिक अल्पकालिक कृषि ऋण बाँटे गे हवय। बछर 2022 म 3928.17 करोड़ रूपिया खरीफ कर्जा दे गे हे, जबकि पीछु बछर 2935.60 करोड़ रूपिया कर्जा दे गे रिहिस।
बइठका में कम वर्षा वाले जिला के संबंध म बताया गीस कि बलरामपुर म औसत के 42 प्रतिशत, जशपुर म 44 प्रतिशत, सरगुजा म 55 प्रतिशत, सूरजपुर म 70 प्रतिशत, कोरिया म 77 प्रतिशत, कोरबा म 77 प्रतिशत, रइपुर म 69 प्रतिशत, बेमेतरा म 72 प्रतिशत अउ सुकमा म 63 प्रतिशत वर्षा होए हे। अइसने 27 ठिन तहसील मन म 60 प्रतिशत ले कम वर्षा दर्ज करे गे हे। बारिश होए ले सिंचई बाँधा मन म जल भराव के स्थिति तको बने होवत हे।
मुख्यमंत्री ह बइठका म मौसमी बीमारी मन ले निपटे बर स्वास्थ्य विभाग के तियारी के समीक्षा करीन। कोविड-19 संक्रमण ले बाचे के ऐहतियाती उपाय मन के तहत टीकाकरण बढ़ाए के निर्देश कलेक्टर मन दिए गीस।
बइठका म मुख्य सचिव श्री अमिताभ जैन, अपर मुख्य सचिव श्री सुब्रत साहू, जल संसाधन विभाग के सचिव श्री अन्बलगन पी., वित्त सचिव श्रीमती अलरमेलमंगई डी., राजस्व सचिव श्री एन.एन. एक्का, पंचायत एवं ग्रामीण विकास विभाग के सचिव श्री प्रसन्ना आर., मुख्यमंत्री के सचिव श्री सिद्धार्थ कोमल सिंह परदेशी, डॉ. एस. भारतीदासन अउ श्री अंकित आनंद, मुख्यमंत्री के उप सचिव सुश्री सौम्या चौरसिया संग संबंधित सबो अधिकारी संघेर रिहिस।