कोरबा, 7 अप्रैल 2021। तीन लोगन ऊपर चाकू ले हमला करइया आरोपी ह खुदकुशी कर लीस हे. आरोपी ह अपन घर म ही फांसी लगाके जान दीस हे. मृतक ह एक दिन पहली महिला समेत दू युवक मन ऊपर चाकू ले हमला करे रहिस. घटना के बाद पुलिस आरोपी पुरूषोत्तम साहू के तलाश करत रहिस. घटना दर्री थाना क्षेत्र के कॉलोनी म होय रहिस. मउका म पुलिस पहुंचगे हे.
बतादन कि पुरूषोत्तम साहू ह दर्री क्षेत्र के सीएसईबी कॉलोनी म सिविल कार्यालय के तीर महिला अऊ युवक मन ऊपर चाकू ले हमला कर देहे रहिस. हमला म घायल राजू साहू ल जिला अस्पताल म भर्ती कराये गए रहिस, जबकि दू अन्य ल उपचार बर एनटीपीसी अस्पताल ले जाये गए रहिस. सब्जी काटने वाला चाकू ले ये घटना ल अंजाम देहे गए रहिस. घटना के पुलिस ह अपराध दर्ज करके आरोपी के खोजबीन करे जावत रहिस. अऊ आज आरोपी पुरूषोत्तम साहू ह आत्महत्या कर लीस. पुलिस पूरा मामला के जांच म जुटे हे.
