शराब भट्ठी म चलिस चाकू, एक मनखे उपर पॉकेटमार ह करिस हमला

रायपुर, 10 नवंबर 2020। छत्तीसगढ़ के राजधानी रायपुर म आए दिन होवत चाकूबाजी के घटना। हर छोटे मोटे बात म चाकू निकाल के सामने वाला ल मउत के घाट उतारे के प्रयास करे जावत हे। उहें शराब भट्टी म घलो चाकूबाजी के घटना आम होगे हे। राजधानी रायपुर म एक घाव फेर राजधानी स्थित महोबा बाजार के शराब भट्ठी म खूनी खेल खेले गिस पाकिट मारे के नियत ले पहुंचे पॉकेटमार ल जब एक मनखे ह रंगे हाथ पकड़ीस त ओहा उही ल चाकू मार दीस जेखर ले मनखे के हाथ म चोट आए हे। उहें ए मामला ले गुस्साए आसपास के लोगन ह पॉकेटमार ल मार मार के बेहोश कर दीस। लोगन ह एखर सूचना डायल 112 म घलो दे दिए हे। मिले जानकारी के अनुसार पॉकेट मार ह 1600 रुपिया के रकम वो मनखे ले लुटे रिहिस।