जानव कइसे होइस फ्रेंडशिप डे (संगवारी दिवस) के शुरुआत, का हे कहानी…

रायपुर, 02 अगस्त 2020। अमेरिका के सरकार ह साल 1935 म अगस्त के पहली रविवार के एक व्यक्ति ल मार दे रिहिस जेखर दुख म वो व्यक्ति के संगवारी ह सुसाइड कर ले रिहिस। तब ले वो दिन ल अमेरिकी सरकार ह अगस्त के पहली रविवार के फ्रेंडशिप डे (संगवारी दिवस) के रूप म मनाये के ऐलान करिन। हालांकि, परागुआ अइसे देश हे, जोन ह साल 1958 म अंतराष्ट्रीय फ्रेंडशिप डे (संगवारी दिवस) ल पहली घाव मनाये के प्रस्ताव पेश करे रिहिस। कहे त ये भी जाथे कि साल 1930 म जॉयस हॉल ह हॉल्मार्क कार्ड्स ले फ्रेंडशिप डे (संगवारी दिवस) के शुरुआत करे रिहिस। ये सबो कारण मन ले ही संयुक्त राष्ट्र ह 30 जुलाई के अंतरराष्ट्रीय फ्रेंडशिप डे के रूप म मनाये के ऐलान करिन लेकिन भारत फ्रेंडशिप डे (संगवारी दिवस) ल अगस्त के पहली रविवार के ही मनावत आवत हे। दुनियाभर के देश मन म फ्रेंडशिप डे (संगवारी दिवस) अलग-अलग दिन मनाये जाथे जइसे संयुक्त राष्ट्र संघ ह 30 जुलाई के अंतराष्ट्रीय फ्रेंडशिप डे (संगवारी दिवस) मनाये के ऐलान करिन त उहें भारत सहित अमेरिका ये दिन ल अगस्त के पहली रविवार के मनाथे।