रायपुर, 14 नवंबर 2020। गूगल 1 जून 2021 ले नवा पॉलिसी लागू करे बर जावत हे। नवा पॉलिसी लागू होए के बाद आपमन के अकाउंट बंद घलो हो सकत हे। नवा पॉलिसी के अनुसार यूजर्स के जीमेल, गूगल ड्राइव अऊ गूगल फोटो अकाउंट दू बछर ले निष्क्रिय हे त गूगल ए सबो अकाउंट ऊपर आपमन के कंटेंट हटा देही अऊ ए अकाउंट ल बंद कर देही। उहें यदि आपमन ल अपन जीमेल, गूगल ड्राइव अऊ गूगल फोटो अकाउंट ल आगु घलो उपयोग करना हे त आपमन ल ए अकाउंट ऊपर अपन सक्रियता बढ़ाए ल पड़ही। गूगल कोनो भी यूजर के कंटेंट हटाए ले पहली ओला एखर जानकारी घलो देही।
गूगल के नवा पॉलिसी के अनुसार यदि आपमन के अकाउंट 2 बछर ले अपन स्टोरेज लिमिट ले जादा हे त गूगल कंटेंट ल जीमेल, ड्राइव अऊ फोटो ऊपर ले हटा सकत हे। हालांकि गूगल ह साफ कर देहे हे कि कंटेट हटाए ले पहली यूजर्स ल एखर जानकारी घलो दे देहे जाही। यदि आप अपन अकाउंट ल बंद होए ले बचाना चाहत हो त आपमन ल बेरा-बेरा म अकाउंट ल खोल के ओमा अपडेट करना होही।
