गौरेला पेंड्रा मरवाही, जिला के पेंड्रा विकासखंड के सकोला गांव म मुख्यमंत्री श्री भूपेश बघेल ह किसान बालाराम के घर म कोईलार, चेंच अऊ मुनगा भाजी के सुवाद लीन। बारिश के मौसम म राहेर के दार, चाउंर अऊ उरिद बरी के संग भाजी खा के सब झन मगन होईन। घर के जम्मो सदस्य अऊ सकोला गांव के सरपंच श्रीमती हीरामती ह बताइस के घर के पीछूच म कोला बारी हे जेमां मुनगा, चेंच भाजी, कोइलार भाजी, भिंडी, बरबट्टी सब्जि लगे हे। हीरामती ह मुख्यमंत्री ल अपनेच घर के बारी के चेंच, कोईलार अऊ मुनगा भाजी खवा के खुस कर दीस।
सरपंच श्रीमती हीरामती ह बताइस के शासन के “नरवा, गरवा, घुरवा अऊ बाड़ी योजना ले किसान मन ल अड़बड़ लाभ मिले हे। बाड़ी योजना ले प्रेरित होके गांव के हर किसान घर के पीछू खाली जमीन म सब्जी-बाड़ी लगावत हें जेखर से घर के मनखे मन ल न केवल पौष्टिक अउ ताजा सब्जि मिलत हे भलुक ए साग-भाजी मन ल बेंचे ले कमई घलोक होवत हे।
मुख्यमंत्री लीन बालाराम के घर के बारी के कोईलार अऊ चेंच भाजी के सुवाद
