खड़गवां के दंपत्ति ल साग-भाजी उपजाए ले हर महीना 8 ले 10 हजार तक कमई
कोरिया, विकासखंड खडगंवा ग्राम पंचायत ठगगांव विकासखंड खडगंवा के ग्राम पंचायत ठगगांव के संतोषी अऊ वोखर पति के कमाई के जरिया सब्जी उत्पादन हे। ऊंखर तिर 5 एकड जमीन हे, जेमां ले अभी हाल म ओ मन एक एकड़ म करेला, बैंगन अऊ हरियर मिरचा जइसे सब्जि उपजाए के काम करत हें। इही जमीन म मौसम के मुताबिक सब्जी-भाजी के खेती ये दंपत्ति संग म करत हें।
संतोषी छत्तीसगढ़ ग्रामीण आजीविका मिशन बिहान योजना ले जुड़े हे। ओ ह गणेश स्वसहायता समूह के सदस्य हे। संतोषी अऊ वोखर पति चार साल ले खेती-बाड़ी के काम करत हे। एक साल पहिली ले ही संतोषी समूह ले जुड़े हे। समूह ले जुड़के संतोषी ल अपन खेती-किसानी के काम ल बढ़ाए म करजा मिले म आसानी होइस।
समूह ले जुड़के संतोषी ह सब्जी उत्पादन के काम ल ही ये योजना के तहत आजीविका के रूप म जारी रखिस। ये मा उमन समूह अउ संकुल स्तरीय संगठन के माध्यम ले 50 हजार रूपिया के राशि सामान्य ऋण के रूप म लीन जेखर से ओ मन अपन ये सब्जी उत्पादन के काम ल आगू बढ़ाइन। सब्जी ल संतोषी अऊ वोखर पति साप्ताहिक बाजार अऊ मंडी म बेचके अब बने आय प्राप्त करत हें। बिहान ले मिले वित्तीय सहायता ले अब उंखर मासिक आय 8 ले 10 हजार तक हो गे जेखर से ओ मन दुनों बहुत खुश हे। अब ओ मन अपन आय ल अऊ बढाए बर सब्जी-बाड़ी के काम ल बढ़ाए के योजना घलोक बनावत हें।