धान बेंचे म होइस सुगमता ले मगन हे सियान किसान कोल्हु राम साहू

मोबाईल एप्प ले मिलीस टोकन अऊ उपार्जन केन्द्र निपानी म आसानी ले करे गीस धान के विक्रय
बालोद, जिला म समर्थन मूल्य म धान खरीदी के काम सुगमता अऊ पारदर्शिता के संग जारी हे। जिला के ग्राम निपानी के बुजुर्ग किसान श्री कोल्हु राम साहू ह प्रसन्नता व्यक्त करत बताइस के शासन-प्रशासन के व्यवस्था बहुत अच्छा हे, एकर परिणाम हे के ओखर लगभग 80 कुंटल धान आसानी ले विक्रय हो गे। वो ह बताइस के धान खरीदी के काम शुरू होए के पहिली ही उमन अपन फसल के कटाई, मिंटाई आदि काम पूरा कर ले रहिस। धान खरीदी के एक दिन पहिलीच वो ह अपन नाती के सहयोग ले मोबाईल म तुंहर टोकन एप्प के माध्यम ले अपन धान के विक्रय बर टोकन प्राप्त करे रहिस। वो ह बताइस के पहिली सोसायटी म टोकन खातिर अड़बबड़ मशक्कत करना परत रहिस, फेर अब मोबाईल के माध्यम ले घरे म बइठे ऑनलाईन टोकन प्राप्त करे के बड़ सुविधा मिले हे, जेन ऊंखर जइसे सियान मन खातिर अड़बबड़ सुविधाजनक साबित होय हे।
सियान किसान श्री साहू ह बताइस के वो ह 17 नवम्बर के 80 कुंटल धान बेंचे खातिर टोकन ले रहिस, ओ दिन ओ धान खरीदी केन्द्र खुलतेच अपन धान लेके आ गे रहिस। जेखर बाद समय म ही वोखर धान के आद्रता माप के, भरपूर मात्रा म बारदाना उपलब्ध कराए गीस। बारदाना म धान भरे, तौलाई, सिलाई अऊ स्टेक म रखे बर खरीदी केन्द्र म भरपूर मात्रा म कर्मचारी उपलब्ध हे, जेकर माध्यम ले समय म ही ओखर धान बेंचा गे। वो ह बताइस के शासन प्रशासन के ए व्यवस्था ले ही वोखर धान के विक्रय आसानी ले समय म ठउका होय हे, जेखर से ओ बहुतेच संतुष्ट हे। वो ह कहिस के धान खरीदी केन्द्र म पहुंचइया किसान मन खातिर बैठक, पेयजल, शौचालय आदि के घलोक व्यवस्था हे, जेन ओ मन ल धान खरीदी के काम म काफी सुविधाजनक लगिस। उमन किसान हितैषी योजना मन अऊ निर्णय मन के सराहना करत कहिस के 3100 रूपिया प्रति कुंटल म धान के खरीदी अऊ प्रति एकड़ 21 कुंटल के खरीदी ले सबो किसान मन खातिर खेती के काम काफी लाभदायक बन गए हे। वो ह किसान हितैषी योजना मन के बेहतर संचालन खातिर मुख्यमंत्री श्री विष्णुदेव साय ल विशेष रूप ले धन्यवाद देवत शासन प्रशासन के आभार जताइस।