कोंडागांव, 06 मार्च 2024। अग्निवीर बर चुने गए जिला के 37 युवा मन ल फूल के माला पहिरा के अऊ प्रशस्ति पत्र देके सम्मानित करे गीस। जिला कार्यालय के सभाकक्ष म आयोजित सम्मान समारोह म कलेक्टर श्री कुणाल दुदावत ह सबो चुने गए युवा मन ल शुभकामना देवत कहिन कि जिला प्रशासन अऊ पूर्व सैनिक कल्याण परिषद ह युवा मन ल ये प्रशिक्षण प्रदान करत हे, ताकि सेना म जिला के युवा मन के भागीदारी बाढ़ सकय। जिला के जादा ले जादा युवा ल देश सेवा करे के अवसर मिल सकय। उमन कहिन कि बढि़या प्रशिक्षण अऊ मार्गदर्शन के सेती उत्कृष्ट परिणाम मिले हे।
उमन युवा मन ले आग्रह करिन कि ओ मन अपन क्षेत्र के आसपास के युवा मन ल घलोक शिक्षा अऊ रोजगार के क्षेत्र म जिला प्रशासन कोति ले करे जात काम मन ले अवगत करावयं अऊ ओ मन ल घलोक देश सेवा बर प्र्रेरित करयं। उमन कहिन कि देश के हित म ही सैनिक के करतब्य हे के ओ मन युवा मन ल सही मार्गदर्शन देवव, जेखर से दूसर युवा मन के भविष्य घलोक उज्ज्वल होवय। उमन कहिन कि जिला प्रशासन सरलग आप मन के संग हे अउ प्रशिक्षण ल अऊ जादा बेहतर बनाए के काम घलोक करे जात हे।
ए अवसर म पुलिस अधीक्षक श्री वाय अक्षय कुमार ह बड़ संख्या म जिला के युवा मन के अग्निवीर बर चयन होए म गर्व जताईन, ए बेरा म उमन सबो युवा मन के उज्ज्वल भविष्य के शुभकामना दीन। कार्यक्रम म जिला रोजगार अधिकारी श्री पवन नेताम, अखिल भारतीय भूतपूर्व सैनिक परिषद कोंडागांव के संयोजक श्री सुब्रत शाहा, अध्यक्ष श्री सूरज यादव, कोषाध्य श्री सोमेश्वर भारती साहू उपस्थित रहिन।
कोंडागांव: अग्निवीर बर चुने गए जिला के 37 युवा मन ल कलेक्टर अऊ एसपी ह करिन सम्मानित
