हमर सरकार बस्तर म शांति अऊ विकास बर उठाए हे बाना: मुख्यमंत्री श्री साय

कोण्डागांव जिला म 94 करोड़ रूपिया ले जादा के विकास काम मन के करिन लोकार्पण अऊ शिलान्यास
भोंगापाल म बुद्ध महोत्सव बर 25 लाख रूपिया के घोषणा
भोंगापाल के सांस्कृतिक अउ पर्यटन क्षेत्र म उन्नयन बर मिलही एक करोड़ के राशि
कोण्डागांव , छत्तीसगढ़ ह बौद्ध धर्म ले जुड़े सुंदर सुरता मन ल अपन अमूल्य विरासत के रूप म सहेज के रखे हे। हमर सौभाग्य हे के भगवान बुद्ध के चेतना के प्रसार समकालीन छत्तीसगढ़ म व्यापक रूप ले होइस अऊ बस्तर के पुण्य धरा म एखर साक्ष्य मिले हे। मुख्यमंत्री श्री विष्णु देव साय आज कोण्डागांव जिला के भोंगापाल म भगवान बुद्ध के जयंती के अवसर म आयोजित बुद्ध महोत्सव अऊ लोकार्पण व भूमिपूजन कार्यक्रम ल संबोधित करत रहिन। मुख्यमंत्री श्री साय ह ए मौका म कोण्डागांव जिला म 94 करोड़ 18 लाख रूपिया ले जादा के लागत वाले विकास काम मन के लोकार्पण अउ शिलान्यास करके जिला के मन ल बड़का सौगात दीन। मुख्यमंत्री अऊ अतिथि मन ह भगवान बुद्ध के छायाचित्र म माल्यार्पण करके कार्यक्रम के विधिवत शुभारंभ करिन।
ए बेरा म उद्योग मंत्री श्री लखनलाल देवांगन, वन मंत्री श्री केदार कश्यप, सांसद श्री महेश कश्यप, विधायक सुश्री लता उसेंडी, विधायक श्री नीलकंठ टेकाम, बौद्ध धर्मगुरु भदन्त आर्य नागार्जुन सुरई ससई, श्री अनिल खोब्रागड़े संयोजक बुद्ध महोत्सव अऊ बड़ संख्या म बौद्ध समाज के अनुयायी, प्रबुद्धजन मौजूद रहिन।