स्वास्थ्य विभाग कोति ले माकड़ी म 13 जुलाई के जनसंख्या स्थिरीकरण पखवाड़ा के होइस आयोजन

कोण्डागांव, 17 जुलाई 2021। कार्यालय मुख्य चिकित्सा अऊ स्वास्थ्य अधिकारी कोण्डागांव कोति ले जारी विज्ञप्ति मुताबिक जिला कोण्डागांव म स्वास्थ्य विभाग कोति ले 27 जून ले 24 जुलाई तक जनसंख्या स्थिरीकरण पखवाड़ा के आयोजन करे जात हे। दिनांक 11 ले 24 जुलाई तक जनसख्ंया स्थिरीकरण के स्थायीविधि के तहत् जिला के जिला अस्पताल, सामुदायिक स्वास्थ्य केन्द्र मन म पुरूष अऊ महिला मन के नसबंदी आपरेशन करे जाही। अस्थायीविधि के तहत जिला के सबो स्वास्थ्य केन्द्र मन म कंडोम, माला डी दवा मन के वितरण अऊ महिला मन ल कापरटी के सुविधा घलोक देहे जाही।
ये संबंध म जनसंख्या नियंत्रण पखवाड़ा 13 जुलाई के मुख्य चिकित्सा अऊ स्वास्थ्य अधिकारी डॉ. टीआर कुँवर कोति ले सामुदायिक स्वास्थ्य केन्द्र माकड़ी म 24 पुरुष मन के नसबंदी करे गीस संगेच उहां आये मनखे मन ल प्रेरक के रूप म आन मनखे ल जागरूक करके अवइया शिविर म लाय के घलोक आग्रह करे गीस। ये बेरा म कार्यक्रम प्रबधक सोनल धुव, बीटीअ साना, खण्ड चिकित्सा अधिकारी देवेश घरत, आर एमए सतीष नायक संग स्टाप नर्स, ड्रेसर वार्ड ब्वाय मितानिन के सहयोग रहिस।