कोण्डागांव, 16 जून 2021। छत्तीसगढ़ शासन कोति ले राज्य ल मलेरिया मुक्त करे बर पूरा राज्य म मलेरिया मुक्त छत्तीसगढ़ अभियान चलाय के निर्णय लेहे गए रहिस। जेखर तहत् पाछू मंगल के दिन कलेक्टर पुष्पेन्द्र कुमार मीणा के निर्देशन म विकासखण्ड कोण्डागावं ग्राम हीरामादला म मलेरिया मुक्त छत्तीसगढ़ अभियान चालू करे गीस। ये कार्यक्रम म संघरे बर बर मुख्य चिकित्सा अऊ स्वास्थ्य अधिकारी डॉ टी.आर कुवर, जिला कार्यक्रम प्रबंधक सोनल ध्रुव, खण्ड चिकित्सा अधिकारी डॉ सूरज राठौर संग स्वास्थ्य कार्यकर्ता, स्थानीय सरपंच, ग्राम के आन जनप्रतिनिधी अऊ ग्रामीण पहुंचे रहिन।
ये बेरा म मुख्य चिकित्सा अऊ स्वास्थ्य अधिकारी ह गांव वाले मन ल मलेरिया ले बचे बर मच्छरदानी के परयोग, पानी के जमाव ल रोके, संझा के देंह ढंके तईसे कपड़ा पहिरे के संग मलेरिया के लक्षण दिखाई देहे म तुरंत नजदीकी स्वास्थ्य केन्द्र म जा के खून जांच करा के दवई लेहे ल कहे गीस।
ग्राम हीरामादला ले जिला म मलेरिया मुक्त छत्तीसगढ़ अभियान के होइस शुभारंभ
