दहीकोंगा म प्रदर्शनी सह सूचना शिविर के होइस आयोजन

कोण्डागांव, कलेक्टर पुष्पेन्द्र कुमार मीणा के मार्गदर्शन म जनसम्पर्क विभाग कोति ले जिला के कई ठन गांव मन के हाट बाजार मन म फोटो प्रदर्शनी सह सूचना शिविर के आयोजन करे जात हे। ये क्रम म विकासखण्ड कोण्डागांव के ग्राम दहीकोंगा के साप्ताहिक बाजार म जनसम्पर्क विभाग ह फोटो प्रदर्शनी सह सूचना शिविर के आयोजन 11 मार्च के करे रहिस। ये मौका म हाट बाजार म अवइया गांव वाले मन ह फोटो प्रदर्शनी के अवलोकन करके एला एक सराहनीय पहल बताइन। ओ फोटो प्रदर्शनी सह सूचना शिविर के माध्यम ले शासन के महत्वाकांक्षी नरवा-गरवा, घुरवा अउ बाड़ी, गोधन न्याय योजना, सुपोषण अभियान, मुख्यमंत्री हाट-बाजार क्लीनिक योजना, किसान मन के अल्पकालीन कृषि कर्ज माफी, वनाधिकार मान्यता पत्र प्रदाय, वनवासि मन ल लघु वनोपज के वाजिब दाम, डॉ. खूबचन्द बघेल स्वास्थ्य सहायता योजना, मुख्यमंत्री विशेष स्वास्थ्य सहायता योजना, सार्वभौम पीडीएस योजना आदि ल रेखांकित करे गए रहिस। ये प्रदर्शनी म सहायक संचालक रंजीत पुजारी, घनश्याम नेताम, मिलन मरकाम अउ खुशबू कश्यप उपस्थित रहिन।