केन्द्र अउ राज्य सरकार के महत्वपूर्ण योजना मन के पूरा मेहनत ले करव क्रियान्वयन

राज्यपाल श्री रमेन डेका ह कोण्डागांव जिला के अधिकारी मन ल दीन निर्देश
एक पेड़ मां के नाम म करिन पौधरोपण
कोण्डागांव, राज्यपाल श्री रमेन डेका कोण्डागांव जिला म अपन पहिली प्रवास के समय प्रशासनिक अधिकारी मन के बैठक लेके जिला म संचालित विकास काम मन के समीक्षा करिन। बैठक म राज्यपाल ह केन्द्र अउ राज्य शासन के महत्वाकांक्षी योजना मन के क्रियान्वयन बर पूरा मेहनत के संग काम करत जिला के विकास के गति म तेजी लाय उपर जोर दीन। उमन अधिकारी मन ले विभागीय योजना मन के जमीनी स्तर म क्रियान्वयन ल देखे बर फील्ड म जाय अऊ हितग्राही मन ले फीडबैक लेहे ल कहिन।
एखर पहिली राज्यपाल ह जिला कार्यालय परिसर म एक पेड़ मां के नाम म मौलश्री के पौधा के रोपण करके पर्यावरण संरक्षण के संदेश दीन।
बैठक म राज्यपाल ह जल संरक्षण अउ संचयन उपर जोर दीन अऊ एक पेड़ मां के नाम अभियान के तहत सहभागिता बढ़ाए के अपील करिन। उमन कहिन के जलाशय अउ तालाब मन के समुचित ध्यान रखव ताकि वर्षा के जल संचयन हो सकय अऊ ओखर लाभ मिल सकय। उमन कहिन कि एक पेड़ मां के नाम अभियान एक योजना न ही भलुक एक मिशन ये, जेन पर्यावरण संरक्षण के दिशा म एक महत्वपूर्ण कदम हे। उमन कहिन के ए अभियान के तहत सबो एक पेड़ जरूर लगावव अऊ आसपास के मनखे मन ल घलोक प्रेरित करव। उमन सबो शासकीय कार्यालय परिसर म हरियाली लाय बर पौध रोपण करे के निर्देश दीन।